Aceh Jameun Jinoe

Aceh carong peucat guru
Aceh makmu pula ganja
Aceh teuga lawan teungku
Aceh meuceuhu le that PSK

Aceh uroe jeh leumpah that meugah
Dalam sejarah lon eu calitra
Tetapi jinoe sayang meuleupah
Kabeh di jajah adat budaya

Ureung Aceh beuhoe han sakrie
watee prang kaphe lawan Belanda
Tetapi jinoe hana daya le
Gadoeh meupake sabe si bangsa

Gadoh meu fitnah sabee keudroe-droe
Rap tiep-tiep uroe mabok ngoen ganja
Piep sabu-sabu sabe tiep uroe
Hana geu pakoe soal agama

Meunyoe lagee nyoe wahe ee adoe
Nacan Aceh nyoe kantinggai nama
Tinggai sejarah bak saboh uroe
Keu aneuk cucoe yang teume rasa

Beugoet ta jaga Aceh lhee sagoe
Bek hana meusoe geujak meu cuca
Bek geujak toeh mbong nanggroe geutanyoe
Yang pah bak igoe ta peuduk nuga.

teurimong geunaseh.