Haba peu ingat
Uroe Ka bengoh Mata hanteupet
Saleum loen peu ek keu rakan dumna
Nibak uroe nyoe pantoen loem tuleh
Tentang donya loen neuk calitra.
Rame yang pegah donya katuha
Bukti takalen memang deuh nyata
Donya toe ngen akhe trok tanda yang 10
Mandum akan geu sampoh hana tingai sisa
Meunyoe tapike memang katrok bak akhe
Musem hana tentei khung panyang jiteuka
Lake le do'a ujen beujitoh
Tapi maksit han putoh trok bak apam online pih kana
Meunyoe taingat kiamat syit katoe
Tapi tikoh hana troe-troe pajoh peng warga
Leh pu yang dilet sampoe hana ingat droe
Padahai ajai karap toe amai pih Hana
Ingat hai wareh kaom loen tuan
Ajai han meujan trok intat gata
Nyawong hana le kageucok pulang
Harta yang tingai hana meuguna
Nyoe keuh pantoen Yang uloen karang
Ken haba wayang untuk meusenda
Ingat la ingat yoh masa udep
Bek that meu leupah bak tablet donya.
*Kuala Lumpur, 23 April 2018 ,07:50 *