Salam alaikom warah matullah.
Jaroe dua blah Lon beuot laju.
Hajat di hate nak tuleh kisah.
Lon komen bagah nak sabe buhu.

Lon ci mepanton lonci meukisah.
Panton Lon balah Keu @sogata.
Yue tuleh panton bak komen balah.
Benua meupeugah kanjai seureuta.

Dak panton tan got hana masalah.
Peunteng na balah bak komen gata.
Kanjai that hate Nyo han tabalah.
Kanjai that lidah Nyo salah makna.

Kanjai di gaki bak jalan salah.
Kanjai di babah tuto han beuna.
Kanjai di jaroe capai meuramah.
Kanjai seuleupah Nyo tan meuguna.

Reudok uroe nyoe ujeun golom rot.
Dak baroe supot kameunoe nyata.
Nyeo keuneuk kanjai cit ka meusuot.
Adak pih tadhot hana geukira.

Meumada dilee haba Lon balah.
Takot na salah kanjai di teuka.
Wabakdu kalam ulon top kisah.
Meunyo na salah koleksi sigra.