If you don't know TAGALOG (The Trend Setter of Molave Regional Pilot School) read no further.
Ikaw oo ikaw! Ikaw nga naghit-hit sauna ug mik-mik. Ikaw nga nagtrapo sa imung nagtabisay nga sip-on. Ang nagtigum ug jolen nga grabe ka mamorj. Ang nahapakan ang lapa-lapa kay napildi sa labay lata didto sa granstand A,B ug C. Ang nakamemorize sa stepping sa lambada. Ikaw nga gadula ug labo-labo udtong tutok sa tunga-tunga sa oval. Ikaw nga muitsa ug dragonball nga sticker dayun muihap ug pinakalit sa mga nangahari. Ikaw nga nangawat ug singko sa pitaka sa imung mama kay mupalit ug lastiko, di rapud ikaw ang namula ang palad kay kami pud. Ikaw nga mvp sa bahaw-bahaw. Ikaw nga mutakas kay mudula'g counter. Ikaw nga nakadula og dakpanay sa Laurel. Ikaw nga nakatakla sa plastic balloon sa imung classmate. Ikaw nga nagpadidit sa kilid sa Grandstand. Ikaw nga maayo kaayo sa JackStone. Ikaw nga nag-atang unsay uso nga dula nga ginabaligya ni Tagalog. A salute from me to you.
Di nato mapugngan ang panahon. Apan lami kaayo balikan ang sauna sama sa kalami sa gahi nga ice candy. Pero di man bawal ba nga balikan ang sauna, diba? Mura ra gud nag ex nimu nga makakatawa na lang ka kung makakita sa iyaha. Joke to sya.
Dako kaayo ang kalibutan bai/miga murag katong Universe sa bobong sa LRC. Wa nata kabalo gani kung asa na ang mga ubang kabatch/classmates nato karun. Kung nangaunsa na sila. Kung nag kugos na ba silag anak. Kung tambay ba sila. Kung dato na ba. Kung nindut ba kaayo silag kahimtang. Wa na ta kabalo. Apan naa gihapoy nagpabilin, sila ang mga kauban nimu'g inom karun. Sila ang kauban nimu manglibak sa ubang mga classmates or friends ninyo sauna, ayg pamakak hahahaha!! Pasalamati dayun sila karun. As in karun dayun.
Kita ang batch nga 3310 pa ang kasuyaan nga cellphone. Kita ang legit nga nakaabot sa unsa ang pinakauna nga technology. Pero bag-o na kaayo karun, sauna friendster pa karun facebook, insta ug twitter na. Naay nakasabay, anaa puy wala. Ingana man jud na ang tawo siguro jud ba, lahi-lahi, tungod siguro sa kahimtang ug sa mga desisyon nato. Kung unsa man gani ka karun, just keep trying to make life better. Kay ang kinabuhi naay daghang problema apan huna-hunaa lamas ra na sila. Ikaw ang latik sa apa didto sa atbang ni Tagalog.
Taas pa kaayo tag baktasunon. Hinaot makahinumdum ka nga sa atong elementary days grabi na imung naagian. Hinaot mahinumduman nimu ang mga nalampos nimu nga stages sa chinese garter. Ang imung kadaugan sa taksi. Ang kasakit kung maigo kas bola sa labo-labo, maigo ka sa airgun ug sa bala sa luthang nga sili diai to, apan naagwanta nimu tanan. Hinumdumi ang imung kadaugan sa pagsave nimu sauna sa imung mga kauban atong nadakpan sila sa bahaw-bahaw. Hinumdumi ni tanan, kay kani nga higayon nalingaw kaayo ka.
Hinumdumi nga niagi ka man sa gate sa laurel, sa sped, sa atbang sa office sa supervisor karun, sa gate between Grandstand A ug B. Isa ra gihapon ang imuhang gigikanan. MRPS ra gihapon.
Padayun lang kung asa ka man karun ug lingi pud panagsa sa atoang gigikanan.
P.S.
Naa ra gihapon tong bana ni Tagalog sa Molave wala na siya natulog sa grandstand b. Ga-drive na siya'g Racal karun.
