Congratulations to the Winners!

With the goal of this initiative is to provide a better Steemit community for Cebuanos by questioning them and at the same time rewarding the best answers we feel. We want the Cebu community to be engaging as possible and an equally distributed rewards.

Question : "Nganong Ang Steemit Dapat I-Introduce sa mga Estudyante?"

These are the winning answers :

@arpiethesurvivor

Bahin sa pangutana nga "Angay bang I-Introduce ang steemit sa mga estudyante" ako 100% uyon nga dapat jud kini ipahibalo sa mga estudyante ug maski dili man. Kay wala'y rason nga dili kung kini makahatag ug kaayuhan sa matag usa. Isip usa ka estudyante usa pud ko d'i ka bag ong kaplag nga nagsubay ug nagpahimulos sa kining organisasyon nga steemit.

Ako mapasalamaton nga kining butanga natawo ug angay kining ipaambit sa uban labi najud sa mga estudyante. Akong nasusi ug na-obserbahan ang kaanindut ug dako'ng tabang nga mahatag niining butanga.Sa wala paku niapil aning steemit ngit-ngit ug kalaay ang nagpatigbabaw sa akong kinabuhi isip usa ka estudyante. Ubos ug wala ko'y salig sa akong kaugalingun. Dili man ako gipakatawo nga bright ug talented naa man tingali pero gamay lang jud.

Tungod sa steemit nausab ang akong panglantaw sa kinabuhi, nihayag ug napuno ko ug pangandoy. Ang steemit usab naghatag ug kadasig ug dakong damgo sa mga tawo nga naay abilidad ug talento nga kini ilang mapagawas. Ang steemit naghatag ug tingog sa mga tawong naa'y maanindut nga istorya sa ilang kinabuhi ug kini makuhaan ug pagtulun-an sa uban. Ang steemit nagpakita ug mga butang nga kaniadto imposible nga mahimo karung posible. Ang steemit nagpakita ug katakus sa importansya sa matag usa kanato.

Ang steemit naghatag ug bag-ong dalan ug direksyon sa kinabuhi sa matag-usa. Ang steemit naghatag ug dakong tabang pinaagi sa pinasyal nga aspeto. Ug kini maoy magamit aron sa pagsuporta sa pag-eskwela, personal ug labi na sa pamilya. Ug tungod sa steemit kitang tanan nahimong usa, usa ang tumong ug pangandoy nga makabaton ug makab-ot ang atong mga pangandoy.

Mga ka-higalahan'g kong steemians, mao kini ang akong naambit ug mga rason kong unsa kaanindut ang steemit. Isip usa ka estudyante dako akong garbo nga usa ako ka steemian's ug dapat kini ipahibalo ug palamboon.

Mapasalamaton ako sa tanan nga naghatag ug oras sa pagbasa sa akong gihimong tubag. Magpadayun kita sa pag-paambit sa maayong balita sa tanan.

---

@noelconcepcion19

"NGANU" , "BAKIT" , "WHY" ???
nga I-introduce man ang steemit sa mga Estudyante ??. Isip usa ka magtutungha, mao gayud kini ang una nakung pangutana niadtung misulud /miapil ko ug Steemit. Sa una wala pa gayud ako masayud kung unsa ang konteksto ( context ) niining maung butanga. Apan sa akung panikaysikay, akung nabatyagan nga dako kinig ika tabang labi na sa matang sa PAGSULAT .

Dako kinig katabang pod gumikan kay, dinhi mahimung mapagawas sa mga kabatan.unan ang ilang Kompidensya ( confidence ) ug mapagawas nila ang ilang isig ka talento. Mahimung matang sa Musika, Arts, ug uban pa. Ako nga nagsulat niining maung mga pulong mamahimung usa ka ibedensya sa maung rason. haha.

Ang mga kabatan.unan karun hayper Aktib ( hyper active )na kaayu sa teknolohiya nga mauy ning usbaw pag ayu sa atung kalibutan. Social Media, mau kini ang gikagubtan sa kabatan.unan (millennials) karun, ming resulta kini sa pagkaadik nila sa maung butang. Facebook,Twitter, Instagram, etc . mao kini ang mga kasagarang nakaadikan ng atung mga pinalanggang kabataan. Kung ako lang ang pasultihun, mejo nasobraan rapod sa paggamit sa maung mga matang unya wala sila'y naani niini. Ang Steemit, kapareho ra niining maung matang sa teknolohiya, apan, dili pariha sa uban, sa Steemit, makatabang sila gumikan kay mamahimo silang makakwarta sa ilang mga ipangsulat. Gumikan niini, pwede silang maka tabang sa ilang pamilya sa matang sa pagbayad ug mga bayrunun sa eskwelahan. Ma-improve pod ang ilang kasanayan sa pagsuwat, ug gisulti ko pa nga confidence booster gayud kini, kini mao'y gikinahanglan para maka perporma ( perform ) sila ug tarung sa ilang isig ka klase. Maka-inspire gayud ang Steemit gumikan sa mga tao nga nagpaluyu niini nga mingtabang gayud sila.

Ako isip usa ka millennial ming saludar ( salute ) sa Steemit sa ilang dakung tabang para mapagawas nako ang akung talento ug Pasyon ( passion ) sa matang sa musika. Ug na hasa gayud ang akung kaalam sa pagsulat.

Edukasyon ang solusyon para mga kabatan.unan nga mauy paglaum sa katilingban, unya ang Steemit, mamahimo nilang gabayan ug dalangpan sa ilang pagtahak padulung sa ilang kaugmaun.

---

@sharatots

Para nako angay gayud nga ipaila-ila sa mga estudyante ang steemit

Para nako ang steemit angay gayud nga ipaila-ila sa atong mga ka estudyantehan kay kini dakong gasa para kanila. Sa panahon karun lisud na kaayu. Ang tanan nga palalitunon mahal na samut na ang mga tunghaan. Hilabi na gayud ang nagtungha sa mga koliheyo karun pwerteng paaita ug walay budget.

Busa pinaagi niining steemit inubanan sa ilahang pagkugi sila makadawat ug rewards niini.

Aduna silay ikapang tuition fee ug project labi na ang thesis ky galastuhan kaayu magtisis ang estudyante kung nagtungha kini sa koliheyo pero pinaagi niining steemit dili imposible ang tanan. Dako ug ikatabang.Dili na sila mag sige ug pangayo sa ilang ginikanan labi natong mga kaigsuonan natong kabus nga maglisud gayud supporta.

Usa ang steemit nga makahatag ug maayung kaugmaon para sa atong mga estudyanteng kaigsuonan nga nagtungha sa gakadaiyang tunghaan bisan asang lugara.

Ang steemit para kanako GUGMA UG TABANG PARA SA ATONG MGA KAIGSUONAN NGA NANGINAHANGLAN

Dinhi nalang ko kutub ug daghan salamat mga bisaya.

---

@badzkie123

Tungod kay ang steemit. Naghatag og oportunidad sa mga studyante nga ipakita ang mga talento nga angay ipakita sa uban. Mao ni nga website community nga angay tagaan og pagtagad sa kada estudyante usa nasad ang pag skwela. Usa sad kini nga tabang sa mga studyante para sa ilahang pageskwela nga angay bayran ang imong abilidad sa usa ka talento nga imong gipasindayag sa katawhan. diri sad makita nato ang mga naglainglaing storya sa kinabuhi sa taw nga pwedeng magamit nimong inspirasyon nga madaladala nimo sa kinabuhing estudyante hangtod sa malamposung tapos sa pagskwela.

Usa akong estudyante nga nalipay og nangurog atong adlawa nga wala ko magdahum nga kini mahitabo sa akong kinabuhi . Palihug pislit sa kani nga post para makita ang storya. wala ko magdahum nga subra pas madawat sa contest ang akong makuha. Ako, usa sa mga studyante nga gepaapil ni @jaderpogi nga mapasalamaton nga gipaapil ko ani nga community nga pwede nako ipasindayag ang akong talento. Walay koy mahay sa pag.apil niining komunidad. Daghang Salamat!!!

Prizes were Already Sent

Thank you for Participating and More Power Cebu!

We certainly hope for your participation next time. Thank you Cebuano Steemians and More power!