Mga mamamayan ay nawalan
Perang sa kanila'y nakalaan
Inakalang nasa ating pamahalaan
Yun pala'y nasa bulsa ng katawan
Ipinangakong pagbabago
Nasaa't nagtatago
Mga matatamis na salitang nilako
Hay naku! Pangakong napako
Sabi nila tutulong ako
Itaga niyo ito sa bato
Diyos ko po! Nasaan na kayo?
Bakit kayo ay nagtatago?
Marami ang naghihirap
Samantalang ang iba ay nagpapasarap
Pag-asang ginhawa'y malasap
Tila isa na lamang pangarap.
