Mata uroe loub malam ka teuka
Meugantoe masa tinggai dilikot
Bak preh beungoh sang teungeut jaga
Bagah meutuka malam meususot
Cahya fajar hangat han sakri
Peugantoe leupie malam nyang mala
Nyak Muda Seudang ka geu siap diri
Langkah mulai neujak keulana
Izin geu lakee bak Ummi Po Intan
Doa beu sajan sihat seujahtra
Beu trouh meukeusud nibak tujuan
Sabe lam lindongan Allah ta'ala
Muda Seudang geu peuphoun langkah
Dengon bismillah seureuta doa
Bak rumoh guree dilee geu sasah
Lagee amanah kiban kheun poma
Saboh dua langkah meu ayon
Langkah meususon meu banja rupa
Bak reumoh guree arah nyang keu phoun
Jak lakee ampon ngon mita doa
'Oh watee ka trouh u rumoh teungku
Saleuem geu meusu tanda meujamee
Abu Peh Tima pih geu seu-oet laju
Keunoe ta tuju bak teumpat preh jamee
Muda Seudang geu tamong u rumoh
Hate geuh mehmoh hana pat peugah
Malee bak geuduek that deuh seh-soh
Teu-oet sang leumoh muka ka mirah
Geu peukreueh hatee langsong meupeugah
Tujuan lon arah neuk jak keulana
Lon piyoh keunoe kiban nyang amanah
Lon lakee meu'ah meuseureta doa
Tempat lon tuju u nanggroe utara
Kuta di raja meu singgasana
Lon neuek meurumpok ngon yah cut poma
Arah lon mita keunari tujoh rupa
Guree geudeungo hana geu bantah
Geu meuhei bagah e sinyak bungsu
Ta peugot kupi hai nyak Aisyah
Meusigo ta papah ranub ngon gapu
Aisyah geudeungo peurintah abu
Sideh di dapu dua ngon poma
Kupi geu peugot wab ie pih ban ju
Ranub sigapu lam talam seureuta
Aisyah teukeujet geu kalon jamee
Hana teupike hana teubayang
Watee geu kalon u ateueh jamee
Aisyah sep malee keu Muda Seudang
Muda Seudang hana meupue peugah le
Hate ka reulee geu kalon si dara
Dara puteh hi nyang peuchob hate
Aneuek si tangkee pangkai asmara
Bek tuwoe neubaca chit ata awai mangat meuho uram ngon ikue;
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Mudaseudang ka meukeulana jak seutot lumpoe
Jak jioh pat yg mrumpok piyoh sinan geupeuturi droe
Hana meuceh tmpt asai mkarat bek seupot uroe
Hana heupike hana weuh ate bah pih badan seungkow.....+++
the best is you post to night
Downvoting a post can decrease pending rewards and make it less visible. Common reasons:
Submit
Neu ikout laju beu got bang hikayat nyoe, adak pih hana got neuk maklum saja.
Downvoting a post can decrease pending rewards and make it less visible. Common reasons:
Submit
seulama masih ada brother @lamkote, aku selalu ada
di belakang muda seudang...
Downvoting a post can decrease pending rewards and make it less visible. Common reasons:
Submit
good post !!
Downvoting a post can decrease pending rewards and make it less visible. Common reasons:
Submit
Saya hanya bisa merasakan keindahan irama di setiap baitmu @lamkote. Thanks so much :-D
Downvoting a post can decrease pending rewards and make it less visible. Common reasons:
Submit
Ini hikayat tradisional aceh.
Thanks udah mampir @rakhmatmargajaya
Downvoting a post can decrease pending rewards and make it less visible. Common reasons:
Submit
Congratulations @lamkote! You have completed the following achievement on Steemit and have been rewarded with new badge(s) :
Click on the badge to view your Board of Honor.
If you no longer want to receive notifications, reply to this comment with the word
STOPTo support your work, I also upvoted your post!
Downvoting a post can decrease pending rewards and make it less visible. Common reasons:
Submit