Hikayat Muda Seudang, Pt. 34; Rumoh Mawa 3

SEUNAMBONG CEURITA

Kuneng hai kuneng si bungong seulanga
Harom lagoina youh seupout uroe
Ulee nyang reuneng kon bak wab ganja
Rihoun keu sidara po jeumba sidroe

Teungeuet nyak Muda sampoe 'oh seupot
Indah di peulimbout lumpoe cot uroe
Jaga bak teungeuet jangeun pih teuka
Kiban keuh haba si bungsu putroe

Geubeudoh bagah nyak Muda Seudang
Peubuet seumbahyang goh meugreb teuka
Lheueh nyan geuteubiet kalon si lantang
Geuploh bak palang peumeurot guda

Na siat lalee bak peumeurot guda
Jipeutoe le si dara aneuek di cut ni
Dara nyang keu phoun si ayeuem mata
Malee nyak Muda bak geukalon hi

Pu haba cut bang seulawet raya
Kijeut tan haba sidari bunoe
Lalee that cut bang deungon si guda
Hana neu kira sapa ngon kamoe

Alahai adoe lon meu'ah lon lakee
Kon hana lon thee keu gata dua
Hana lon teujeuet narit lon rungkhee
Leupah that malee keu yahwa mawa

Geutanyoe umu pih karap seulayeu
Pue lom meubahue saboh keluarga
Hana pu malee hai cut bang meudayu
Kon haba rayu bak peugah ceurita

Neupeugah bak lon soe keuh kak bungsu
Na lon deungo su bak ayah ngon ma
Kiban keueh rupa puteh kuneng hu
Sampoe meubahu hikayat meujeumba

Beutoi hai cut kak lon pih peureulee teupu
Rupa jih na nyang meusu di likout si Muda
Watee geupaleng muka Muda mirah hu
Trouh si mata sayu aneuek dara keu dua

Muda Seudang meutamah brat malee
Han meuho gesee ngon dua droe dara
Payah geuceurita adak pih teumalee
Hana geutipee geupeusingkat haba

Nan jih Aisyah si bungsu ceudah
Tari that leupah si puteh kuneng
Hantom lon turi youh masa leupah
Malem hai mirah ngon kitab kuneng

Han tom lon kalon nyang lagee nyan hi
Adak pih lam rawi kisah meukisah
kamoe geu peu ikat lam sigo meuturi
Sang lagee banggi bak nyum lon rasa

Lanja geurawi di Muda Seudang
Haba seulayang meuturi ngon judo
Sambee ceurita geugusuek si lantang
Bak malee pandang meukunok baho

Man dua droe dara ka tahe gante
Alahai cut bang e untong that gata
Ramee nyang kaya tari pih that le
Jai chit nyang beuhe bak peulikak raga

Meunyoe nyang malem ngon tari rupa
Susah ta mita bandeng meuribee
Bek le neupeulheueh wahee e kanda
Po Aisyah peuneuba bagah neuteumee

MEUSAMBONG

Bek tuwoe neubaca chit ata awai mangat meuho uram ngon ikue;

• Bhah lhee plouh lhee Rumoh Mawa 2
• Bhah lhee plouh dua Rumoh Mawa
• Bhah lhee plouh sa U Tingkeum Manyang
• Bhah lhee plouh Lam Perjalanan 3
• Bhah dua plouh sikureueng Lam Perjalanan 2
• Bhah dua plouh lapan Lam Perjalanan
• Bhah dua plouh tujoh Ulang Kisah
• Bhah dua plouh nam Bak Cut Ti Hayat
• Bhah dua plouh limong Meupisah
• Bhah dua plouh peuet Ziarah Kubu
• Bhah dua plouh lhee Jak Ziarah
• Bhah dua plouh dua Sahabat Pang Juhang
• Bhah dua plouh sa Han Sep Beulanja
• Bhah dua plouh Jak Bloe Guda
• Bhah sikureueng blah Langkah Phoun
• Bhah lapan blah Ie Mata Bungsu
• Bhah tujoh blah Meurumpok Ngon Guree
• Bhah nam blah Jangeuen Asmara
• Bhah limong blah Reuncana Keulana
• Bhah peut blah Nanggroe Ujong Utara
• Bhah lhee blah Tujoh Uroe Tujoh Malam
• Bhah dua blah Nasehat Poma
• Bhah siblah Senue
• Bhah Siploh Keunari Tujoh Rupa
• Bhah sikureueng Syarat Nikah
• Bhah lapan Haba Bahgia
• Bhah tujoh Aneuek Bungsu
• Bhah nam Mula Inti Ceurita
• Bhah limong Masa Abege Dua
• Bhah peuet Masa Abege Sa
• Bhah lhee Muda Lam Ayon
• Bhah dua Awai Phoun Mula
• Bhah sa Muqaddimah