Sa pag gising, kain, ligo at tutungo agad sa lamesa.
Haharap sa kompyuter kung saan iyon nakahelera.
Uupo at mag-iisip kung ano ang aking magagawa
Sa buong araw upang ako ay kumita.

Ngunit nang ikaw ay nakilala biglang nagbago ang ihip ng hangin.
Nais ng tumungo sa mga lugar na may mga preskong hangin.
Makita kung gaano karikit ang mga bulubundukin.
At makakuha ng magagandang larawan sa mga tanawin.

Nais ko ng maglakbay kapiling kang nakayakap sa aking likod
At magtanim ng mga ala-ala sa bawat lugar na ating nalibot
Matikman ang mga pagkaing kaysarap balik-balikan
At matanaw ang mga pelikulang ating inaasam.

Kaysarap ng pakiramdam ang makasama ka
Di ko maipaliwanag ang aking nadarama
Ang iyong pagyakap sa tuwing tayo'y naglalakbay
Sana ito'y di panandalian lang at maging tunay

Maraming Salamat sa Pagbasa!

Photocredit : Pixabay