AKU UWUH NEGARA
Kanca,
Sawangen!
Wong-wong ndesa katon guyub
Tuwa enom lanang wadon padha cancut
Gugur gunung rame-rame memaes desa
Dandan dalan, dandan pager pasang bendera.
Pasang umbul-umbul lan nggawe gapura
Kanggo mengeti dina Mardika
Kanca,
Apa ora isin?
Awake dhewek ketungkul ribut padudon rebutan balung
Ngoceh ngalor ngidula dol HOAX adol umuk
Ndremimil ider pitenah nggedebus kemruwuk
Numpak mobil mewah jatah sekang pamarentah
Bensin gari nyidhuk ngunthet nylinthut angka neng nota blanja
Tanpa katonkasil karya sing nyata
Panggaweyane mubeng minger mbrundhet ora petha
Kanca,
Masyarakat ndesa sing urip prasaja
Tansah rukun nrima ingpandum
Tetep bae semangat asung sengkuyung
Aring program pamarentah sing lagi nedheng ambangun
Kuwe maknanengisi alam kamardikan
Warisan sekang para pahlawan johan
Lha, awakedhewek?
Ora beda karo kemladheyan
Nyokot nyengkerem numpang ngisep bandhane liyan
Persis uwuh mambu paceran.
Tobat....
Aku tobat.
Sugeng Joko Utomo, Tasikmalaya, 13-08-2018
Lingkar Sastra Gombong (Lisong)
RIKA PANCEN PINTER NEK KON GAWE PUISI NGAPAK,,,,,,,,,,,,,SAIKI HAMPIR ILANG BUDAYA JAWA, NJENENGAN TERMASUK SING NGUKIR SEJARAH NANGEKNA PUISI JAWA,,,AH TAK TIRU RIKA , KAPAN-KAPAN............SALAM SUKSES KANG.
Downvoting a post can decrease pending rewards and make it less visible. Common reasons:
Submit
Matur suwun
Posted using Partiko Android
Downvoting a post can decrease pending rewards and make it less visible. Common reasons:
Submit