AYAW TAMAYA
Ayaw’g tamaya kining mata kong galugat,
Ayaw’g kataw-e kining baga kong ngabil,
Ayaw usab tutuki ang nagbitay kong bilbil.
Ug palihug susiha nagburot kong pitaka,
Kay pamilya nato sigurado dili mapasmo
ug manglakaw na kita sa mansyon mangadto.
Kay dghan to ug uyab ug pwerti ka palakero
Kung ako man ang imong pillion ug pakaslan
Ikaw panggaon sa kanunay paga silbihan
Kining akong hitsura ayaw intawn tamaya
Kay kasing-kasing ko bulawanon ug puno sa gugma
Kining maot kung dagway ayaw na lang panumbalinga.
Kining ubos nga naghangyo kanimo paminawa,
Kay karong panahona dili makabuhi ang hitsura,
Sigurado ko atong ugma matawag og Pamilya.
Pero sa matag oras ako maghinuktok,
Kung buligan mo kining dagway ug pustora
Dakong kalipay ko kay wala nimo tamaya.