Sino Kaya Sa Tatlo?

/i.pinimg.com

Sino kaya sa tatlo ang pipiliin ko?

Sino kaya ang totoong laman ng puso ko?

Hanggang ngayon, naguguluhan pa rin ako,

Kung sino talaga ang mamahalin ko.

Sa puso ko sila ay pantay-pantay,

Lahat sila ay may saysay.

Sapagkat sila ang nagbigay

Sa akin ng makulay na buhay.

O, ang kawawa kong puso,

Nahihirapan kong sino ang sinasapuso.

Matukoy mo na sana o puso,

Nang sa maaga pa’y di mawalan ng kapuso.

Habang panaho’y tumatagal,

Damdamin sa tatlo’y nabuwal.

Sa sobrang tagal,

Naging matandang dalagang bungal.