"Aceh" Harta Abeeh Jikuet Lee Jawa, Nyang na Tinggai Tok Peudong Dawa

---

---

Sumber Gamba

Rekan loen yang na di platform steemit, malam nyoe loen neuk meukarang dengan bahasa yang na lam aplikasi eSteem, bahasa nyan nakeuh bahasa Aceh, waresan endatu keu kamoe bangsa Aceh.

Hai rekan loen yang meutuah, bek gata saleng meupakee sebangsa, jak tameusaboh, tapeugot persatuan mangat tapeudong peu-peu yang kareuloh.

Ureung Aceh caroeng-carong nibak awai phon teudong Keurajeun meugah Sultan Iskandar Muda, nibak watee nyan kafee ngon penjajah teuakot lagoina keu bangsa Aceh, sebab taktik prang yang hana soe lawan yang geujok peuneutoh lee ulama.

Aceh Nanggroe meudaulat seugolom gabong ngoen Indonesia, sidroe-droe ulama di peuabeeh watee nanggroe ineuk jok lee penjajah, nyan phon teuka lheuh Sultan Iskandar Muda wafet, Portugis ngoen Belanda abeeh pasukan jiba ue Aceh, ureung Aceh pieh hana theun taloe, dengan rincong geulawan penjajah.

Jisurot Beulanda teuka Jepang, nyan pieh merajalela hana pat peugah haba, lhee thon Aceh jie jajah lagee 100 thon Belanda jajah, breuh, pade, bajee ngon meuh mandum jikut, alheuhnyan jieboh yang laot, bom hirosima jepang surot, Belanda teuka loem dengoen but sot, benteng prang jipeutong rata sago, sampee cut nyak payah peugot baresan prang.

Akhee kalam, Cut nyak syahid, sampee Aceh rhot lam jaroe Indonesia, Teungku Daud Beureueh bek sagai tapeusalah, gopnyan awai kon ka di jebak, racon jisuntik lam badan, abah di sumpai ngon bajoe alheuh nyan jiba ue jawa.

Walau na DI/TII, tamah Gerakan Aceh Merdeka, tapi Aceh tetap mantong sajan jawa, kureubeun ureung meuploh ribee ujong cerita tanyoe gop poe jumba, harta abeeh jikut jiepeuwoe ujawa, yang na tinggai di Aceh tok peudong dawa.

Salem keurakan steemian, etnoe keuh ca'e loen malam nyoe, pat yang na salah loen lakee meuah.

---

---