Cinta Bak Pucoek Naleung (Love at the end of the grass)

in puisi •  7 years ago 

image
Source

Ta eu oen bayu meubintek-bintek,
Hoe yang ta lirek mandum rap sama,
Oh loen eu gata teuleuntek-leuntek,
Rupajih adek kreuh lagee baja,

Nyoe ta tak han lhuet tawiet han ceukoek,
Nyoe koen ta keutoek alheuh ta layu,
Dinda meujanji sang han meubelok,
Leupah that elok loen bak ta rayu,

Tapi ‘oeh jinoe cinta meukaleung,
Keu laen ureung gata ta cinta,
Seudangkan keuloen sayang ka kureung,
Bak pucoek naleung tayue coek cinta,

Hate loen seudeh hana pat bendung,
Sampoe lam tuleung saket loen rasa,
Dak jeut hai dinda loen groep dalam krueng,
Bah keuh jibaplueng uloen le buya,

Seumoga seunang gata hai aduen,
Ngoen laen ureung yang gata cinta,
Hudep gasa nyoe loen peuluen-peuluen,
Bek keuh na ureung loem tapeuluka.

Source

Authors get paid when people like you upvote their post.
If you enjoyed what you read here, create your account today and start earning FREE STEEM!