Facebook နှင့် zombie များ
check in တခုတင်လိုက်သည် လူအများမသွားနိုင်သည့် လည်ပတ်စရာနေရာတခုကိုရောက်နေကြောင်း
ဈေးကြီးပေးဝယ်ထားသည့် အကောင်းစားကင်မရာဖုန်းနှင့် ဓာတ်ပုံလှလှလေးများ ရိုက်တင်ပေးလိုက်သည်
ဘယ်လောက်လှကြောင်း ပျော်စရာကောင်းကြောင်း နတ်ပြည်ရောက်နေသလိုပင်ထင်ရကြောင်း အညွှန်းစာလေးလည်း ဖွဲ့ဖွဲ့နွဲ့နွဲ့ ရေးတင်ပေးလိုက်သည်
မကြာမှီ like comment share ပေါင်းများစွားဖြင့် နာမည်ကြီး တဦးဖြစ်လာပေတော့သည်
ထို့အတူ သာမာန်ရွက်ကြမ်းရည်ကြို အပြင်တွင် ကြိုက်မယ့်လူရှားသော မိန်းကလေးများလည်း စိတ်ဝင်စား လူကြိုက်များသူ တဦး facebook ပေါ်တွင် အလွယ်တကူဖြစ်နိုင်သည်
အပြင်လောကတွင် အရာမရောက်သော်လည်း
Facebook အတုအယောင်လောကတွင် နည်းလမ်းများစွာအသုံးပြု၍ အလွန်အရေးပါသောသူ အလွန်ချမ်းသာသောသူ အလွန်သုံးဖြုန်းနိုင်သောသူ အလွန်ပညာတတ်သောသူ အလွန်ကြီးမားသော စီးပွားရေးလုပ်ငန်းရှင်ကြီး အလွန်ဘာသာရေး ကိုင်းရှိုင်းသူကြီး
စသဖြင့်... အတုအယောင် ကမ္ဘာတခုကို တက်ညီလက်ညီ ဖန်တီးကြသည် မိမိတွင်ရှိသော အကောင်းဆုံးများသာ တင်ပြကြသည် အစားကောင်းစားလျင်တင်သည် အဝတ်ကောင်းဝတ်လျင် တင်သည် နေရာကောင်းသွားလျင်တင်သည်
ဘဝတွင် အကောင်းဟူသမျှ စုဝေးနေသယောင်
အလွန်ပျော်စရာကောင်းပြီး လို တ ရ နေသယောင် ဖန်ဆင်းထားကြသည်
တကယ့်ဘဝနှင့် အလွန်ခြားနားသော အတုအယောင် စိတ်ကူးယဉ်ကမ္ဘာကို သူ့ထက်ငါ အလုအယက် ဖန်းဆင်းပြကြသည်
facebook သည် ဆင်ခြင်ဥာဏ် အားနည်းသူ လူတစ်ချို့ အဖို့ zombie virus သဖွယ် ဖြစ်လာသည်
မိမိစိတ်အလိုရမ္မက်ကိုဖြည့်စွမ်းသည်တို့ကို နောက်လူတို့ အားကျစေရန် ကြွားဝါပြသည်
နောက်လူတို့သည်လည်း အသည်းအသန် မိမိတို့နောက်မကျကြောင်း ပြရန် ကြိုးစားကြသည်
စသဖြင့် ပို့စ်များကိုမြင်သောသူတို့သည် အဆုံးမရှိသော virus ကူးစက်ခံရတော့သည် ဖြန့်ဝေရန်ကြိုးစားကြတော့သည်
ဆိုင်အသစ်ဖွင့်လျှင် သွားစားပြီး တင်မည်
အဝတ်အစားအသစ်ဝယ်လျှင်တင်မည်
လက်ဝတ်လက်စား အသစ်ဝယ်လျင် တင်မည်
ကားအသစ်ဝယ်လျှင်တင်မည်
လျှောက်လည်လျှင်ကြွားမည်
ဖုန်းအသစ်ဝယ်လျှင် ကြွားမည်
ဘုရားသွားလျှင်တင်မည်
အလှုလုပ်လျင်တင်မည်
လူတိုင်းလူတိုင်း မိမိဘဝသည် အလွန်ချမ်းသာပျော်ရွှင်စရာများနှင့်သာ ပြည့်နှက်နေကြောင်း အလုအယက် အပြိုင်အဆိုင် ကြွားဝါနေကြသည်
မိမိကိုယ်တိုင် Virus ကူးစက်ခံရရုံမက လူအများကိုပါ ဖြန့်ဝေဖို့ တက်ကြွစွာ ကြိုစားနေကြသည်
လူကို ပျက်စီးစေသော စေတသိဟ် ၏ လှုံဆော်မှုတို့ အကုန်လုံးပင် Facebook ပေါ်တွင်ပြည့်စုံစွာ ရှိပေ၏
လူသည် ထင်ပေါ်လိုသည်
နာမည်ကြီးလိုသည်
ကြွားဝါလိုသည်
အရာရာက်လိုသည်
ပျော်နေသည်ဟု ထင်စေလိုသည်
ဂုဏ်ရှိသည်ဟု အထင်ခံလိုသည်
အစားကောင်းစားလိုသည်
အဝတ်ကောင်းဝတ်လိုသည်
ဖုန်းအကောင်းစားကိုင်လိုသည်
သူများထက်အမြဲ သာလိုသည်
စသဖြင့် မကောင်းသော စိတ်အလိုဆန္ဒတို့ကို Facebook၏ အတုအယောင်လောကတွင် ဖြည့်ဆည်းနိုင်သည်
အပြင်လောကတွင် မိမိစားသည်ကို လူ၁၀ယောက်ကိုခေါ်ပြ၍ကြွားရန် ခက်သော်လဲ Facebook ပေါ်တွင် လူထောင်ချီ၍ ကြွားနိုင်သည်
ထိုသူ့ Wall ထဲတွင် ဝင်ကြည့်လျှင် ဘဝသည် ပျော်စရာအတိ ဖြစ်သည်
အစားကောင်းစား အဝတ်ကောင်းဝတ် ယဉ်အကောင်းစားစီး နေရာစုံလျှောက်လည် ဂုဏ်ရှိသောနေရာတွင်လဲသူရောက် ပွဲလမ်းသဘင်အခမ်းအနား အစုံမျက်နှာပွင့် အလွန်အားကျဖွယ် ဘဝ ပါလား
တကယ့်ဘဝတွင်ကား အစားကောင်းသည် နေ့တိုင်းမစားဖြစ် အဝတ်ကောင်းနေတိုင်းမဝတ်ဖြစ် နေတိုင်းလျှောက်လည်၍ မဖြစ်နိုင်မှန်း စဉ်စားလျှင် လူတိုင်းသိနိုင်ပေသည် သို့ပေမယ့် ထိုအတုအယောင်ဘဝကို အားကျကြသည်
ရောဂါကိုကျေကျေနပ်ကူးစက်ခံရုံမက အခြားသူများကိုပါ ဖြန့်ဝေဖို့ မိမိပါ အတုအယောင်ဘဝကို ဇွတ်ဖန်တီးတော့သည်
အကျိုးဆက်အနေနှင့်ကား လက်တွေ့ဘဝနှင့်တဖြည်းဖြည်းကင်းကွာလာသည် ပျော်စရာကောင်းမည်ထင်သော်လည်း ပို၍ ပို၍ လိုချင်တပ်မက်လာမှုများ မပြည့်ဝနိုင်၍
ပို၍ပို၍ စိတ်ဆင်းရဲလာကြ၏
ပို၍ လောဘကြီးလာ၍ ပို၍ စိတ်ဆင်းရဲရလေ၏
စိတ်အလိုတို့ကို ဖြည့်ဆည်းရန် မှန် မှား မဆင်ခြင်နိုင်တော့ပဲ နည်းမျိုးစုံသုံး၍ စိတ်အလိုလိုက်၏
မှားယွင်းသော ဆောင်ရွက်မှုတို့၏ အကျိုးဆကိကြောင့် ပို၍ ပျော်ရွှင်မလာပဲ ပို၍ စိတ်ဆင်းရဲလာရ၏
အလိုမပြည့်မှုတို့ များလာ၍ မိမိမဖြည့်ဆည်းနိုင်သောအခါ ပတ်ဝန်းကျင်ကို ဒေါသထွက်၏
မိဘတို့ကို ပြစ်တင်၏ လင်ယောင်္ကျားတို့ကို ငြူစူ၏
စစ်တမ်းတခုတွင် လူတွေသည် Facebook ပေါ်တွင် လက်တွေ့ဘဝထက် ပိုပျော်ရွှင်ဟန်ဆောင်နေကြောင်းတွေ့ရှိရသည်
အပြင်တွင် အမြဲရန်ဖြစ်နေသော အိမ်ထောင်ရေးဖောက်ပြန်နေသော ယောင်္ကျားတို့သည် Facebook ပေါ်တွင် မိန်းမ အလွန်ချစ်တတ်ကြသည်
အပြင်တွင် ထမင်းအိုးပင်ဖြောင့်အောင်မတည်တတ်သော မိန်းမတို့သည်လည်း Facebook ပေါ်တွင် အလွန်တာဝန်ကျေသော အိမ်ရှင်မကောင်းဖြစ်သည်
အပြင်တွင် လခ ၁သိန်းမပြည့်သော အိမ်ဖေါ်မလေးသည် Facebook ပေါ်တွင် သူဌေးသမီးဖြစ်သည်
အပြင်တွင် ခေါ်မည့်သူမရှိသော်လည်း Facebook ပေါ်တွင် ဆယ်လီ ဖြစ်သည်
လှည့်စားဖို့လွယ်ကူလွန်း၍ အားလုံးက အားလုံးကို လိမ်လည်လှည့်စားဖို့ ကြိုးစားနေကြသည်
ရောဂါ ရင့်လာလေ ပိုဆိုးလေဖြင့် လက်တွေ့ဘဝနှင့် ကင်းကွာခြင်း၏ရလာဒ် ကို ဆိုးရွားစွာခံစားရသောကြောင့် ဘဝပျက်လေ၏
လူငယ်များ လမ်းပေါ်လေလွင့်ကြ၏
အိမ်ထောင်းရေးများ ပြိုလဲကြ၏
မိန်းမပျိုများ ပျက်စီးကြ၏
မိသားစုတွင်း၌လည်း အမြဲစိတ်ဝမ်းကွဲ ငြူစူကြ၏
လူဘဝ၏ ချမ်းသာခြင်း အစစ်အမှန်သည် ရောင့်ရဲခြင်းဖြစ်ပေ၏
Facebook သည် ရောင့်ရဲခြင်းတရားကို မေ့လျော့စေကာ အဆုံးမရှိသော တပ်မက်ခြင်းများထဲသို့ တွန်းပို့၏
သို့သာမက အခြားသူများကိုလည်း ဖြန့်ဝေ၏
မိမိ၏ စိတ်တွင်းအလျံညီးညီး တောက်လောင်နေသော
လောဘတပ်မက်ခြင်းမီးလျံကို အခြားသူများကိုလည်း ထပ်မံကူးစက်စေ၏
Faebook သည် ဘဝတခုကို မှန်ကန်စွာတည်ဆောက်ခြင်းအသိပညာကို ဆိုးဆိုးရွားရွားဖျက်စီးပြစ်၏
စိတ်အလိုဆန္ဒနောက်သို့ ကောက်ကောက်ပါရင်း ဘဝမေ့ရင်း အချိန်လွန်ကာမှ ပြုပြင်မရသော နောင်တဖြင့် ကြုံဆုံရလေ၏
ဤသည် အလွန်ဆိုးရွားလှသောလူဖြစ်ရှုံးခြင်းပင်ဖြစ်တော့သည်
ပင်ကိုယ် ဆင်ခြင်ဥာဏ် အားနည်းသူတို့ အလွယ်တကူပင် ထိုထောင်ချောက်အတွင်း ကျဆင်းနိုင်ပေသည်
မိမိစိတ်ကို နိုင်နင်းစွာ ထိမ်းသိမ်း၍ မိမိဘဝအစစ်အမှန်အတွက် အကောင်းအဆိုး ပိုင်းခြားကျင့်သုံးနိုင်မှသာ
စစ်မှန်စွာ အေးချမ်းသာယာသော ဘဝကို ရရှိနိုင်မည်ဖြစ်ကြောင်း သတိပေးလိုက်ပါသည်
