Mga Pananglitan Sa Maayong Komunidad
Image Source
Matag miyembro sa komunidad nanginahanglan ug tabang sa uban, maingon man dili usab sila luwas sa mga kadaut nga himuon batok ngadto kanila. Ang nabatunang tabang kung ibalik kini pinaagi paghatag ug maayong kabubut-on, gugma, ug relasyon sa panaghigala, ang komunidad mo lambo ug magmalipayon. Matag miyembro niining maong komunidad managbaton ug panaghiusa sumala sa hugpong sa gugma ug mga maayong pagbati.
Pero bisan pa gani ug dili mabatunan ang panabang, bisan ang ubang miyembro sa komunidad walay gugma ug maayong pagbati ngadto sa uban, ang komunidad dili kinahanglang mapukan, hinoon dili kaayo kini magmalipayon. Ang komunidad makasugakod sa nagkalain-laing mga tawo sulod niini, sama sa mga negosyante bisan sa ilang kadaghan, bisan wala ang gugma sa usag-usa maingon man ang mga maayong pagbati.
Bisan pa ang matag-usa walay tulubagon sa utang kabubut-on sa bisan kinsa, ang komunidad mamahimo gihapong molahutay kung hisgutan ang maayong mga kapuslanan. Ang dili mamahimo sa usa ka komunidad mao ang pag-agwanta sa padayon nga pagpanghimaraot ug ang pagpasakit sa uban.
Sa panahon nga ang kadaut magsugod, sa panahon nga ang dili maayong kabubut-on ug ang kapungot mosulod, ang tanang hugpong mabungkag ug ang mga nagkalain-laing mga miyembro niini mag-iyahay na ug katag2x tungod sa kadautan ug sa panagbingkil sa mga pagbati. Mao nga ang kinaiyahan naga-awhag sa tanan nga mo lihok basi sa maayong kapaagihan aron sa paghatag ug maayong pagtagad sa mga angayan hatagan ug ganti,
Image Source
Aron padayon nga mapatuman ang hustisya, ang kinaiyahan nagtanom sa katawhan ug kasayuran mahitungod sa konsensya, ang kalaut kung kini angayan nga patungan ug kastigo sa kalapasan nga iyang nabuhat. Ang labing dakong tulubagon sa komunidad mao ang pagbantay sa mga gagmay ug makalolooy nga mga binuhat, pagpakgang sa mga mapasigarboon.
Ang tawo natural nga adunay maayong pagbati sa iyang isig kaingon, apan gamay ang ilang pagbati sa bisan kinsa nga walay kalambigitan kanila, kompara sa kadtong aduna. Ang kasakit sa usa ka binuhat bisan pa kini kauban nila sa komunidad, dili kaayo makahatag ug dako nga epekto kaniya, hinoon sila ang adunay dakong gahom aron maghatag ug kasakit ngadto kanila.
Ang duha ka tinguha sa komunidad:
- Paghatag ug suporta sa isig katawo
- Pagpalambo sa mga kaliwatan
Sa tanang butang sama niini, kinahanglan natong sutaon ang hinungdan sa nagkalain-laing kalihukan ug hulagway sa ilang mga katuyuan. Ang pagkatunaw sa pagkaon, ang sirkulasyon sa dugo, ug ang uban pang mga kalihukan nga gikinahanglan alang sa maayong katuyuan sa kinabuhi. Apan wala kini gipasabot pinaagi sa maong mga katuyuan apan sa paagi nga kung unsay maayong hinungdan niini. Kung gusto ug tinguha nilang isaysay ang panghitabo, pwede nila kining ipaagi sa maayo.
Kung ang kinaiyahan magagiya kanato sa pagpadayon sa maong katuyuan, kita makahunahuna gayud nga ang maong katuyuan maayong hinungdan sa sentimento ug lihok. Sa maayong panglantaw, kini nga hinungdan angayan aron makab-ot ang resulta nga ginatinguha, ug ang sistema sa kinaiyahan mamahimong simple ug mauyunan ang tanang mga kalihukan ginapaagi sa maayong hinungdan.
Image Source
Ang komunidad dili makalahutay hangtud nga ang balaod sa hustisya dili ma mentinar pag-ayo, ug ang maayong relasyon dili mabatunan sa tawo nga walay ginahimo kundili ang pagpandaut sa uban. Ang maong kahibalo magagiya kanato sa pag-aproba sa pagpatuman sa maong balaod sa hustisya pinaagi sa pagsilot sa mga nakalapas niini.
Sa mas detalyadong panghunahuna, ang tao adunay natural nga gugma sa komunidad, ug gusto nga hiusahon ang tanan aron ma preserba alang sa iyang kaugalingong kapuslanan. Ang kalinaw ang kauswagan sa komunidad maayo alang kaniya, ug ganahan siya sa maong panghunahuna. Dili siya gusto sa nagkagubot nga relasyon, ug maglagot sa mga gustong maghimo sa ingon.
Naamguhan pud niya nga ang iyang maayong kapuslanan adunay kalambigitan sa kauswagan sa komunidad, ang preserbasyon gikinahanglan gayud alang sa kalipay sa tanan. Aduna siyay igong rason nga masuko ug maglagot sa bisan kinsa nga buot moguba sa komunidad, ug nga andam buhaton ang matag posibleng kapaagihan aron sa pagpakgang sa maong gikalagutan nga buhat. Ang kawalay hustisya mao ang makabungkag sa usa ka komunidad.
Matag hulagway sa kawalay hustisya maga alarma kaniya ug siya magadali pagpakgang sa maong kalihukan aron maputol kini gilayon. Kung dili niya kini kayang pugngan sa kahinahon, iya kining pakgangon pinaagi sa kusog, mangita gayud siya ug paagi aron dili kini mo lambo.
Image Source
Sa tanang panahon, mouyon gayud ni siya sa pagpatuman sa balaod sa hustisya pinaagi sa pahatag ug silot sa mga mosupak niini, bisan ang pagtangtang sa naghatag ug kagubot aron mamahimong dili maayong ehimplo sa buot mohimo ug dili maayo batok sa mga miyembro sa komunidad. Mao kini ang kasagaran nga isulti sa mga tawo nga uyon sa pagsilot sa mga mo buhat ug dili maayo sa iyang isig kaingon, maingon man sa mga miyembro nga gikabsan sa hustisya.
Kung ang sad-an nga tawo magaantos sa natural nga panimalos sa komunidad tungod sa iyang salaod nga iyang nabuhat, ug ang kawalay paglaum sa hustisya magpaubos tungod sa nagsingabot nga silot, ang siya mamahimong dili na kahadlukan, ug ang mga manggihatagon ug tawhanong mga pagbati malooy kaniya, ang paghunahuna sa mamahimo niyang sagubangon makapawala sa kasuko sa mga tawo ngadto kaniya, kasuko gikan sa mga tawong nabiktima niya.
Sila magapasaylo ug magaluwas kaniya gikan sa silot nga giandam tungod sa mga dili maayong butang nga iyang gibuhat. Niining higayona, nangita silag tabang konsiderasyon gikan sa kadaghanan sa komunidad. Ginabalanse nila ang kahimtang sa luya tungod sa dikta sa tawhanong pagsabot.
Image Source
unconditional love!
Downvoting a post can decrease pending rewards and make it less visible. Common reasons:
Submit