" iPhone SE 2 ကို လာမည့်လတွင် မိတ်ဆက်လာမလား "
စမတ်ဖုန်းဒီဇိုင်းက ပြောင်းလဲလျက်ရှိသလို အရွယ်အစားကလည်း တဖြည်းဖြည်း ကြီးသထက်ကြီးလျက် ရှိပါတယ်။ စမတ်ဖုန်းအရွယ်အစား ကြီးသထက်ကြီးလာလျက်ရှိပေမယ့် မျက်နှာပြင်အရွယ်အစားသေးငယ်တာမျိုးကို ကြိုက်နှစ်သက်သူတွေကလည်း အများကြီးရှိပါသေးတယ်။ မျက်နှာပြင်အရွယ်အစားသေးပေမယ့် အောင်မြင်မှုအကြီးအကျယ်ရယူနေဆဲဖြစ်တဲ့ iPhone SE က အဓိကသက်သေတစ်ခု မဟုတ်ပါလား။ Apple ဟာ iPhone SE ကို 2016 ခုနှစ်မှာ ကြေညာခဲ့တာဖြစ်သလို ဒုတိယမျိုးဆက် iPhone SE ကိုထုတ်လုပ်ဖို့ အချိန်သင့်နေတာ ကြာမြင့်ပြီဖြစ်ပါတယ်။ ယခုနှစ်မှာ ထုတ်လုပ်လာမယ်လို့လည်း သတင်းတွေ ဆက်တိုက်ဆိုသလို ထွက်ပေါ်လျက်ရှိနေပါတယ်။ အစောပိုင်းတုန်းက ဒုတိယမျိုးဆက် iPhone SE ကို iPhone SE (2018) လို့ ခေါ်ဝေါ်လာမယ်လို့ သတင်းထွက်ခဲ့ပါသေးတယ်။ ယင်းနောက် ထိပ်သီးစမတ်ဖုန်းကာဗာကုမ္ပဏီက Olixar က ဖန်တီးထားတဲ့ iPhone SE 2 ကာဗာ ထွက်ပေါ်လာပါမယ်။ iPhone SE 2 မှာ iPhone X လိုမျိုး မျက်နှာပြင်အပြည့် ရုပ်ထွက်ဒီဇိုင်းသုံးထားကာ Notch ပါဝင်လာမယ်လို့ သိရပါတယ်။
မျက်နှာပြင်အပြည့် Notch ဒီဇိုင်းသုံးလာမှာဖြစ်လို့ Touch ID ခေတ်ကုန်ဆုံးပြီး Face ID သုံးလာမယ်လို့ ယုံကြည်ရပါတယ်။ ယင်းနည်းပညာက iPhone X မှာအသုံးပြုထားတဲ့ နည်းပညာပါ။ ဒီဖုန်းမှာ ကျောဘက်မှာ မှန်သုံးလာမှာဖြစ်ပြီး ကြိုးမဲ့အားသွင်းစနစ်ပါဝင်မယ်လို့ သိရပါတယ်။ ဒီဖုန်းကို Apple A10 CPU ၊ RAM 2GB နှင့် အထိုင်ချလာပါမယ်။ ကျောဘက်ကင်မရာ 12 MP နှင့် ဘက်ထရီ 1700 mAh ပါဝင်လာမယ်လို့ သတင်းတွေ ထွက်ပေါ်ထားပါတယ်။ အချို့မီဒီယာကလည်း ကျောဘက်ကင်မရာနှစ်လုံးပါဝင်မယ်လို့ ရေးသားနေပါတယ်။ ဘယ်သတင်းအမှန်လဲဆိုတာကိုတော့ မပြောနိုင်သေးပါဘူး။ ယနေ့ထွက်ပေါ်လာတဲ့သတင်းအရ Apple ဟာ iPhone SE 2 ကို လာမယ့်ဇွန်လမှာ 4 ရက်နေ့မှ စတင်ကျင်းပမယ့် Apple WWDC ပွဲမှာ မိတ်ဆက်လာမယ်လို့ သိရပါတယ်။ WWDC က ဆော့ဝဲလ်ပိုင်းကို အဓိကထားကျင်းပတဲ့ပွဲဖြစ်ပေမယ့်လည်း Apple ဟာ သူတို့နည်းပညာသစ်များကိုလည်း မိတ်ဆက်လေ့ရှိပါတယ်။ Apple ဟာ ယမန်နှစ်ပွဲတုန်းက iPad သစ်များ၊ MacBook သစ်များကို မိတ်ဆက်ခဲ့ဖူးပါတယ်။ ဒါကြောင့်လည်း ယခုနှစ် WWDC ပွဲမှာ iPhone SE 2 ကို မိတ်ဆက်လာနိုင်ပါတယ်။