هاککەرانی چینی هەستان بە هاککردنی سەنتەری زانیارییەکانی هێزە دەریاییەکانی ئەمریکا لە مانگەکانی سەرەتای ئەمساڵدا و دەستیان گرتووە بەسەر کۆنتڕۆڵی چەندین ئامێری گرنگی سەنتەرەکە کە هێزەکانی ئەمریکا نیازیان وایە لەم ساڵدا پڕۆژەکە ڕابگەیەنن.
ڕۆژنامەی واشتۆن پۆست ڕایگەیاند هاککەرە چینییەکان دەستیان گەشتووە بە زیاتر لە ٦١٤ گێگابایتی زانیاری نهێنی و تایبەتی پڕۆژەی ” Sea Dragon” کە لە ساڵی ٢٠١٢ ـەوە ئەو هێزانە سەرقاڵی کارکردن بوون تێیدا.
ئامانجی هێرشەکە بریتی بووە لە دەست بەسەردا گرتنی ژێردەریاییەکان و ئەو کەشتیانەی کە تایبەتن بە هێرشی سەربازی و ئەو ژێردەریاییانەی کە دەتوانن کەشتییە گەورە جەنگییەکان نوقم بکەن لە نێو ئاودا.
زانیاری تایبەتی ئەو چەکانە و شێوازی پەیوەندی کردنیان و شێوازی کارکردنی ئامێرە ئەلیکترۆنییەکان لە نێو زانیارییە هاککراوەکاندان، هەروەها هێزەکانی ئەمریکا حوکومەتی چین بە تاوانباری ئەم ڕوداوە و یارمەتیدەری هاککەرەکان دەزانن.