Steemitserye: Love Game (Ep.1)

Dear Diary,

Kanina na-late ako dahil yung lalake nauna pa sakin sa van! Isipin mo yun, halos 30 minutes akong naghihintay doon tapos sya tumakbo lang sya at sumakay sa van! Eh isang tao nalang ang pwede, putsa naman talaga! Ayan tuloy late ako, napagalitan pa ako ng paborito kong prof. Hays jusko, monday na monday badtrip talaga! Mabuti nalang nakasabay ko pag uwi si Dustin. OMG! Gwapo pa rin sya, kaso di ko masyado makausap kasi ang hirap kaya mag ingles! Nagpaalam ako nung nasa gate na ako, ayun ngumit sya. Yung dimples nya.. Juskooo! Oh sya, matutulog na ako. Aagahan ko bukas para di ako maunahan sa van.

Love,
Jaimee

Image source

Dad: Baby girl gising na! Male-late ka nanaman!

5 minutes daaaad!

Dad: Bumangon ka na!

Parang wawasakin na ng daddy ang pinto kung maka katok. Kainis.

Eto na!

Sigaw ko. Hay nako. Kaya ayaw ko ng morning shift e. Kasi pang hapon akong tao. Tinignan ko yung orasan and sh*t!!! 9:30 na 10 am ang first class ko! I do my morning rituals ng nagmamadali tapos patakbo na akong bumaba. Di pa tapos magsalita ang daddy humalik na ko at dire-diretso lumabas. Swerte kasi may hinatid na kapit-bahay yung tricycle kaya nakasakay agad ako. Pagbaba ko sa abangan ng van, nakaramdam ako ng gutom kaya pumasok ako ng 7 eleven to buy some food and bumalik sa abangan ng van.

Nakatayo ako sa waiting shed habang kumakain ng hotdog nang biglang may bumangga sa braso ko at nabitawan ko yung kinakain ko pati yung wallet ko. Fck! Mawala na lahat wag lang yung kinakain ko! Lumingon ako ng malakas at tumama yung ulo ko ng malakas sa isang bagay. Huhu ang sakit! Umatras ako kaunti para makakita ng lalakeng uh gwapo naman konti? na nakawahak sa noo nya.

Hoy lalake ano ba! Nilaglag mo na yung kinakain ko pinasakit mo pa ulo ko!!!

Yung lalake: Look miss, una hindi ko sinasadya! Yung bag mo kasi nakaharang kaya natapon coffee ko, tignan mo ginawa mo sa uniform ko. Inurong ko ng konti yung bag mo pero di ko alam na lampa ka kaya yung hawak mo binitawan mo. Tapos tutulungan na nga kita pulutin yung wallet mo hineadbutt mo pa ako.

Natulala naman ako sa haba ng sinabe nya. Napatingin din ako sa uniform nya and oh, natapunan nga ng coffee at nakahawak parin sya sa noo nya. Bulky kasi talaga yung bag ko kasi dala ko yung miniature project namin.

Fine. Sorry

Tapos sakto dumating na yung van kaya sumakay na ako. Sumakay din sya at naupo sa tabi ko.

Manong driver: Oh Dwayne, kasintahan mo?

Nagulat ako nung sumagot sya. So Dwayne pala pangalan nito. Pero mas nagulat ako sa sumunod nyang sinabi.

Dwayne: Manong naman, ayaw ko mag gf ng pangit.

Nag init ulo ko, first time ko masabihan ng pangit! Kahit sino tanungin maganda ako!

HOY LALAKE! UNA, NAG SORRY NA AKO KANINA! PANGALAWA, DI AKO PANGIT! KALA MO BA GWAPO KA? DUH! MAS LALONG AYAW KITA MAGING BOYFRIEND!

Sinigaw ko sa kanya. Kaasar! Akala naman ata gwapo sya. Edi natulala sya. Mygad. Kaso, namutla ako sa sumunod na nangyari..

Ate girl? Don'tcha worry, di ka pangit kasi ako yung tinutukoy. Hehehehe

Sabi nung bading sa kabilang gilid ni dwayne tapos lahat sila parang naka tingin sa akin. Huhuhu lupa kainin mo na ako.. Nakakahiya..

Manong driver: Oo nga iha, sa ganda mong yan di ka sasabihang pangit nito ni dwayne. Binibiro ko lang kasi itong pinsan nyang sirena eh himala at nakatabi sakanya.

Sabay, tawa ni kuyang driver. Gusto ko makita reaction nitong katabi ko pero ayaw ko naman tignan sya. Nakakahiya. Tahimik lang sya. Huhuhu! Di ka kasi nagiisip muna Jaimee!

Pagdating namin sa university, bumaba na silang lahat. Nagpahuli ako kasi nahihiya talaga ako, pero pagbaba nya nasa pintuan lang sya ng sasakyan.

Dwayne: Oh ano? Diyan ka nalang miss T.H? Baba na late na tayo.

Natulala ako.

Dwayne: Ilang minuto ka nanaman tutulala?

Siraulo. Oo na bababa na!

Pagbaba ko tumakbo na ako agad. Late na kasi ako!

Itutuloy..

#steemitpowerupph #steemitfamilyph #steemph #manila