Klase-klaseng amiga akong nadangatan,
Gikumpara ko sila sama sa usa ka make-up koleksyon
Kung kinahanglan kini ilabay o angay bang daygon?
Takuban ang tanang mga niaging kaboang,
Bisag unsaon nimo ug pugos sa iyaha
Magpabilin kining amang para diri mudapig sa akoa,
Apan tungod sa kainit sa temtasyon kaya kini lanayon
Murag pagsalig akong gihatag pero imo ra diay kong unayon.
Mausab iyang batasan hilabi na dili siya maimbita,
Lakaw diri og lakaw didto murag iro sigeg sunod nako
Bantog ra pilit kaayu ka kay gusto mahimong ako.
Nalubog kini siya sa iyang pagkahambugera pero walay ikabuga,
Bungol na akong mga dunggan sa pagpaminaw
Bakak na nibyahe sa imong ngabil bisag sa tinood ako nakahibaw.
Kusog kaayu modayeg sa akoa hangtod mubaga akong atay,
Pina-ngisi pa ko kay puno ko ug kalipay kay walay saway.
Pero mahibaw-an nalang nako sa ulahi ako ra diay ang giunay.
Siya ang klase na amiga magparamdam ra kung naay kinahanglan
Kung dili nako mahatag ang iyang tuyo dali rako niya kalimtan
Manabi dayon ni siya na ngil-ad daw ko ug Batasan
Wala koy pake day kay kining kwarta ako ning hinaguan.
Siya ang klase na tawo ang gigahin puro konsumisyon,
Ipugos ka sa mga butang na ginadili na buhaton
Ipalayo ka niya sa positibo ug ipaduol sa mga temtasyon.
Mga lihok ug lakaw kaya niya sundon,
Siya ang klase na tawo , pwerteng pagka suyaon
Dili ganahan malabwan sa tanang higayon.
Mangita ug tsismis kay dili kumpleto iyang adlaw kung walay lalis,
Lupigon pa niya ang usa ka sikat na direktor sa silida
Dili ba ka mabang-an? Sa talentong pagka-himantayon siya ang kontrabida.
Magkadugay makahatag ug bati diha sa imoha,
Kini makumpara sa atong kinabuhi na bisag daghan paka ug amiga,
Magpakalimpyo sila sa imuha kong naa kay ikahatag kanila.
Kay nihit na mangita ug tinud-anay na amiga karong panahon
Pasensya na kung ikaw naigo sa usa sa akong mga koleksyon
Wala ko nibuhi ug pangalan ug hinaot dili nimo dibdibon.
Sa reaksyon palang nimo nihatag ka ug rason na ikaw dyud diay na
Kanindot sa pamati daghan kaayu ko ug amiga
Pero ang pamutana, tinud-anay ba gyud sila sa akoa?
Art by: Fatpear Devianart
Have you voted your witness?
Consider casting your witness votes for @steemgigs (@surpassinggoogle), @precise, @cloh76.witness, @ausbitbank and @curie who have been adding invaluable contribution to the community.
To cast your votes, just go to
https://steemit.com/~witnesses
.png)
Congratulations! This post has been upvoted by the communal account, @steemph.cebu by missdonna being run at Teenvestors Cebu (Road to Financial Freedom Channel). This service is exclusive to Steemians following the Steemph.cebu trail at Steemauto. Thank you for following Steemph.cebu curation trail!
Don't forget to join Steem PH Discord Server, our Discord Server for Philippines.
Downvoting a post can decrease pending rewards and make it less visible. Common reasons:
Submit