ନୂଆଦିଲ୍ଲୀ (ଏଟିଆର ବ୍ୟୁରୋ): ଏବେ କରୋନା ଭାଇରସ ଆକ୍ରାନ୍ତରେ ୩ ଜଣ ଭାରତୀୟ ସୁସ୍ଥ ହୋଇଛନ୍ତି । ପୂର୍ବରୁ କେରଳର ଦୁଇଜଣ କରୋନା ଭାଇରସ ଆକ୍ରାନ୍ତଙ୍କ ସ୍ୱାସ୍ଥ୍ୟବସ୍ଥା ଠିକ ହେବାରୁ ତାଙ୍କୁ ଘରକୁ ପଠାଇ ଦିଆଯାଇଥିଲା । ଏବେ ଆଉ ଜଣେ ଆକ୍ରାନ୍ତଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସିବାରୁ ତାଙ୍କୁ ଘରକୁ ପଠାଇ ଦିଆଯାଇଥିବା ଜଣା ପଡିଛି । ସୂଚନାଯୋଗ୍ୟ ଜଣଙ୍କର ଚିକିତ୍ସା କସାରଗୋଡ କଞ୍ଚନଗଡ ସରକାରୀ ଡାକ୍ତରଖାନାରେ ଚାଲିଥିଲା । ଅନ୍ୟଜଣେ ରୋଗୀ ଅଲଫଞ୍ଜା ମେଡିକାଲ କଲେଜରେ ଚିକିତ୍ସିତ ହେଉଥିଲେ ।
ତେବେ ତିନିଜଣ ଏବେ ସୁସ୍ଥ ହେବା ପରେ ଆଉ ଭାରତରେ କୌଣସି କରୋନା ଭାଇରସ ରୋଗୀ ନାହାନ୍ତି ବୋଲି ଜଣା ପଡିଛି । ସୂଚନାଯୋଗ୍ୟ ଏବେ ଚୀନରେ କରୋନା ଭାଇରସରେ ମୃତ୍ୟୁ ସଂଖ୍ୟା ୧୭ ଶହ ଛୁଇଁଛି । ସେହିଭଳି ଆକ୍ରାନ୍ତକ ସଂଖ୍ୟା ୭୦ ହଜାର ପାର ହୋଇ ଯାଇଛି । ନ୍ୟପଟେ କରୋନା ଭାଇରସ ନାମ ପରିବର୍ତ୍ତନ କରି କୋଭିଡ -୧୯ ନାମ ଦିଆଯାଇଛି । ଡାକ୍ତରୀ ଦଳ ଓ ଗବେଷକଙ୍କ ଶତ ଚେଷ୍ଟା ପରେ ମଧ୍ୟ ସେମିତି କିଛି ବିଶେଷ ସଫଳତା ମିଳି ନାହିଁ