Awak Narkoba Bek Neumeungon!

Asai GambaNyo Tuwanku peu ingat bak gata, nyan parte awak piep sabe kajeut neu use dari gampong. Bek sampe awaknyan dijak peureuloh aneuk bangsa ngon sabe budoknyan. Nyan beuneuteupu ubena rosak aneuk lam nanggro gara-gara parte narkoba paleh ceulaka. Waknyan dimita peng ngon cara diperosak ureung laen ngon barang hareum nyan.

Nyan gata-gata yang na aneuk dara, bek sagai-sagai neupeukawen ngon parte narkoba. Adak ganteng that atawa kaya that nyan awaknyan saban ngon iblieh. Meuseu kon awaknyan nyang sama ngon iblieh, kakeuh iblieh sama ngin awaknyan.

Awak gata bek sampe dipeungeut le awak narkoba nyan. Awaknyan dipeuleumah drojih seubago ureung got akan lam gampong, dibi seudeuukah keuno keudeh, dibayeu kupi rata keude, tapi beuneuteupu nyan hanjeut keubuet. Bek gara-gara na dibayeu kupi saboh glah kaneujak bela parte ceulaka nyan.

Asai GambaTuwanku hanjeut deungo sagai peukara narkoba, langsong di ek darah. Parte peukaya dro peurosak gop. Dijih kaya digop punah. Meunyo Tuwanku nyo adak pih hana kaya, han keumah dijak peutaba kupi le parte beulaga nyan. Meunyo bit dikarat nyan ngon gayong kupi kupeh bak muka. Hanjeut kupeh keudro kuyu peh bak gop. Bit that tunue teuh.

Kajeut dile, hanjeut that Tuwanku becara bhaih nyan, di ek darah.

---

Posted from my blog with SteemPress : http://mitapeng.com/awak-narkoba-bek-neumeungon/

---