Kimdir müqəssir?

Çoxumuz öz taleyimizdə özümüzdən başqa hamını günahlandırıq (tanrını, insanları, şəraiti və s.). Şübhəsiz ki, qeyd edilənlərin təsiri böyükdür, amma insanın digər canlılardan fərqi ondadır ki, şüurlu seçim etmək və öz gələcəyinə təsir etmək iqtidarındadır. Buna görə də bizim fəlsəfəmiz özünü müəyyən etmə fəlsəfəsi olmalıdır (self-determinism).

Photo

Əlavə edim ki, psixologiyada belə bir anlayış var atribusiyanın fundamental səhvi. Mənası odur ki, biz başqalarının səhvini şəxsi keyfiyyətlərilə izah edirik, öz davranışımızı isə xarici amillərlə. Məsələn, dostumuzu gözləyirik, o isə gecikir. Çox güman ki, siz onun bu cur gecikməsini onun məsuliyyətsizliyi və qeyri-ciddiliyi ilə izah edəcəksiz. Halbuki eyni vəziyyətdə siz öz gecikmənizi yaranmış vəziyyətlə əlaqələndirəcəkdiz (yollardaki tıxaclar və s.). Həyatda heç nəyə nail olmayanlar nə deyir? Mənim başqa çıxış yolum yox idi, vəziyyət belə gətirdi, alın yazısıdı və s. Uğurlara gəldikdə isə tərsinə, başqa insanların uğurlarını şəraitlə əlaqələndiririk, öz üğurlarımızı isə şəxsi keyfiyyətlərimizlə. Başqası pul qazana bilibsə yəqin ki, camaatı aldadıb, özümüzdə isə fikirləşirik ki, bacarıqlıyıq deyə belə olub.
Reallığı özünüz yaradırsız. Menecment sahəsində qúru sayılan Piter Druker yazırdı ki, gələcəyi qabaqcadan görməyin ən yaxşı yolu onu öz tərəfindən müəyyənləşdirilməsidir.
Bu şüarı özünüz üçün rəhbər tutun: heç kim mənə heç nə borclu deyil. Əgər mənə nəsə edilibsə, bu sadəcə bir mükafatdır.
Məqsədinizin niyə mümkün olmadığına yox, nələri etsək mümkün olacağına fokuslanın.

Uğurlu gələcəyin açarı qarşıya qoyduğunuz məqsədin reallaşması ehtimalını artıran addımları atmaqdır. Müxtəlif istiqamətlərdə çalışqanlıq dərəcəsilə uğur qazanmaq ehtimalı arasında birbaşa əlaqə mövcuddur. Yetər ki, uğur qazanacağınıza qərar verin!

---

Posted from my blog with SteemPress : https://valibeyli.000webhostapp.com/2018/08/kimdir-muq%c9%99ssir

---