Salam alaikum saleum uloen bri...
Seuoet e akhi jinoe laju le sigra
Nibak kalinyoe uloen nak rawi
Lon nak peuturi syarat puasa

Dalam alqur'an fireuman neubi.
Lam hadis nabi pih na geusabda
Wajeb puasa na geupeuturi...
Syarat pih geubi keutanyoe dumna...

Syarat yang keuphoen beu meu islami..
Nyan keuh hai akhi syarat utama.
Tan gepeuwajeb keu yang nasrani
Atau yahudi tan lam peukara.

Baleqg kedua syarat hai akhi..
Nyoe keu si sabi han wajeb teuka
Keu lhe meu akai cit yang ka pasti.
Hukom tan geubi keu yang saket jiwa.

Teuma oh lheuhnyan teuga jasadi..
Sanggop jalani pubut puasa..
Mnyoe yang leumoh atau pih seu i..
Wajeb tan geubri bak gobnyan hamba..

Saket geumaksud yang brat e abi.
Cit hana sakri pubut puasa.
Nyoe bit geupubut leimoh hana kri..
Kadang cit lagi jeut menderita..

Ohno mumada karangan lon bri..
Kadang hai akhi jeut keupeunawa..
Didalam nazam panton lon rawi ..
Lon nek peuturi syarat puasa..

Lon lake meu,ah meunyoe kureung hi..
Kadang bak akhi kureung selera..
Rika lon kadang meuputa puti..
Maklum hai akhi meunuroet kada..

Meunyoe na salah bak uloen rawi..
Kadang cit akhi le that yang cupa..
Neuribe meu,ah keu uloen neubri..
Serta ngon rabbi bek na meudosa..

Teurimong gaseh ummy ngon abi..
Hormat uloen bri yang na@ sogata..
Bak uloen tuan saleum meuturi..
Kadang hai akhi jeut keu syedara..

Wallahu a'lam