#puasa pura-pura#

Hoe yang ta e masalah ramadhan
Kaleh makmegang tamong puasa
Geu lake meah bak mandum rakan
Ngoen ketulusan lewat media

Melalui hp langsoeng geu siarkan
Bagi keu rakan keu judul haba
Lam laye kaca geu tuleh peusan
Selamat menjlankan ibadah puasa

Ureung puasa le macam piasan
Meu jaga malam genonton bola
Di teka uroe teunget ngon pansan
Sang2 beuklam geubeut meu bura

Ladom puasa harap keu makanan
Meu macam ragam oeh geubelnja
Menjelang buka mata ateuh nyan
Pajan leh pajan waktu ber buka

Abeh geu pajoh sengkak hai rakan
Pulom sembhyang di lua kuasa
Mata ka tengeut teuraweh pih tan
Genap lhe ploh malam meu puta2

Agam ngon dara pih saboh piasan
Jak jalan2 dang-dang berbuka
Bak keuing jimat sang lako gobnyan
Menan keuh rakn pnyang ceurita

Di aneuk muda han ketinggalan
Ngon ija pinggang lengkap busana
Jie teka hireun hana meoh ban
Poeh lhe hai rakan geulisan teka

Tapike kusyuk ateh penyesalan
Padahai leumang pasoe lam ija
Tae that lemeuh tan le harapan
Adegan syaitan tengeh jie puta

Menoe cerita ateuh lon tuan
Koen keu rakan lon caneek haba
Nibak puasa nyoe lon ubah piasan
Han le hai rakan puasa pura-pura

Matong na watee udep lon tuan
Hana tatujan nyawong geu hila
Ulon meu lake bak sidroe tuhan
Puasa depan beu lon teme rasa

Segolom mata sayu meu mandang
Seugolom ajai pajan jie teuka
Segolom mate geu baloet gafan
Segolom rakan lon loep kerunda

Segolom bantai meu tuka nisan
Dalam sepot klat limpeun ngon kala
Segolom pisah nyawoeng ngon badan
Segolom rakan lon tinggai donya

Nyo keuh hai rakan yang na bak ulon tuan
Marhaban ya ramadha...