Kriptovalyuta və Bitcoin haqqında çıxışım

Kriptovalyuta və Bitcoin haqqında biraz bilgiyə sahib olduğumdan bu bilgini Bakı Mühəndislik Universitetində dərs zamanı tələbə yoldaşlarımla və İqtisadiyyat müəllimim ilə paylaşmaq qərarına gəldim.
Müəllim İqtisadiyyat fənnindən sərbəst iş vermişdi və biz istənilən mövzuda təqdim edə bilərdik. Mənim seçimim "Kriptovalyuta və Bitcoin" oldu.

"Kriptovalyuta nədir?" və "Bitcoin necə qazanmaq olar?" sualları altında məlumatlar toplamağa başladım.
İki gün vaxt sərf etdim və gözəl nəticə ortaya çıxardım. İlk öncə internet üzərindən bitcoin şəkilləri axtardım, daha sonra isə Wikipedia məlumatlarını və bu matrialları power point proqramında cəmləşdirərək gözəl bir slayd hazırladım.

Həmçinin öz fikirlərimi də mətinə qatmaq üçün you tube üzərindən kriptovalyutalar, block chain, bitcoin və digər kripto valyutalar haqqında bilgilər topladım. Bitcoin qazanmaq üçün STEEMİT.COM saytını qeyd etdim. Steemit haqqında şifahi və geniş məlumat verdim.

Verilən suallara əsasən öz şəxsi blogumu onlara göstərdim. Yazı yazaraq pul qazanmağın necə asan və maraqlı olduğunu anlatdım. Hazırladığım slayda biraz rəngarənglik qatmaq üçün maraqlı animasiyalar, zamanlayıcılar və keçidlərdən istifadə etdim. Ən çoxda vaxtım məhz bu animasiyalara getdi. Bu əziyyətimə görə hazırladığım slaydı video kimi çəkərək you tubeyə yükləmək fikirim də var.
Slayd nə qədər faydalı olsada bir o qədərdə maraqlı görüntüyə malik olmalıdır ki, izləyiciləri yormasın və onlarda maraq oyatsın.
Nəhayət ki, slaydı təqdim etdim və izləyicilərin təbii alqışlarını eşitdim.
Müəllimim slaydı çox bəyəndi və bir neçə suallar ünvanladı həmçinin steemitə qatılmaq istəyi olduğunu bildirdi. Bu arada izləyici tələbə yoldaşlarımdan bir neçəsi də steemitə qoşulmalarını bildirdilər. Onlara lazımi köməyi göstərəcəm və steemit ailəsinə qoşulmalarına yardımçı olacam.
Steemitin tanınması üçün universitetimizdə layihə keçirməyi qərarlaşdırdım. Tələbələrin asudə vaxtlarını boşa keçirmədən necə pul qazanmalarını onlara bildirmək üçün spiker Rəvan Məmmədovu @revan746 dəvət etdim. Çox sağolsunki bizim universitetimizdə bu cür marifləndirici tədbirin keçirilməsi üçün dəvətimizi qəbul etdi. İnŞəAllah yaxın zamanlarda keçirələcək tədbir haqqında da bir paylaşım edəcəm.
Oxuduğunuz üçün təşəkkürlər...