"Word Poetry Challenge #19 : Ulan"

Ulan

Pagmamahal mo'y di mawari
Pinuno ang buhay ko ng mga bahaghari
Ikaw ang reyna, ako ang 'yong hari
Ang puso mo'y akin na't pag-aari

Ang mundo ko'y nagkaroon ng kasiyahan
Sa puso ko'y ikaw lang talaga ang laman
Dahil sa pag-ibig mo'ng yari sa kagandahan
Kasing ganda ng mga ulap sa kalangitan

Ngunit isang araw ang kalangita'y nawalan ng kaliwanagan
Mga ulap ay nag-itim, nagbalot ng kadiliman
Lumisan ka nang hindi ko inaasahan
Humanap ka ng ibang hari't ako'y iyong iniwan

Bumuhos ang napakalakas na ulan
Sabay ng pagbuhos ng mga damdaming nasasaktan
Bawat luha'y nakabaon ang masasayang nakaraan
Bawat patak ay naaalala ang masakit na katotohanan

Basang-basa na sa kalungkutan
Maghihintay, ayaw pa ring lumisan
Umaasa parin na tayo'y magbalikan
Umaasa na matigil na'ng pagtulo ng luha't ulan.

More of my poems:

The Mosquito
The Journey
Mahal Kong Manhid
Dear Friend
Barkada
Green Leaves
Kaibigan Nga Lang?

_{Ang imahe sa itaas ay kinuha mula sa pixabay.com}