Magandang Gabi mga Makatang Pinoy!

Lubos ang aking galak sa lagpas napakaraming entry na isinumite ng ating mga kabayan ng "Word Poetry Challenge | Tagalog Edition" na may temang "Gintong Medalya". Salamat sa mainit na pagsuporta at sa pagsasabuhay ng wikang Filipino na inilalathala natin sa Steem Blockchain.

Ako'y lubos na nagpapasalamat kay tropang @jazzhero, ang ating hurado.

Mensahe ng Hurado

Isang malaking karangalan po ang mapili na maging hurado ng patimpalak ngayong edisyon. Napakarami po akong nabasa na magagandang tula na pumukaw ng samu't saring mga emosyon. Sobra po akong nahirapan mamili ng magwawagi (migraine-level po 😅), kaya't minabuti kong gumawa ng personal na pamantayan sa pagpili:

Pamantayan	Halaga
Mensahe at Paggamit ng Tema	30%
Daloy at Tunog	30%
Estilo at Pagka-orihinal	30%
Kahusayang Teknikal	10%

Lubos po akong nagpapasalamat kay @jassennessaj para sa oportunidad, at sa lahat ng manunulat na lumahok sa paligsahang ito. Nakaka-elibs po talaga ang inyong mga likha 😍 Mabuhay po kayong lahat!

Narito ang mga Nanalo :

Hurado : @jazzhero

2nd runner-up

@kyanzieuno

Word Poetry Challenge #3 : Gintong Medalya

Nagustuhan ko ang atensyong binigay ng may-akda sa hirap at inspirasyon sa likod ng isang gintong medalya . Maganda po ang bawat tugma at solido na naihatid ang mensahe mula umpisa hanggang sa nakakalugod na paalala sa pangwakas.

---

1st runner-up

@romeskie

"Word Poetry Challenge #3". Tema : "Gintong Medalya" | Tagalog Edition

Ang unang talata ay epektibo at mabilis na naipinta ang kuwento sa likod ng tula. Naibigan ko ang estilo at perspektibo na ginamit ng may-akda na nakikipagusap sa isang basta. Ngunit pinaka-panalo po ang mensahe na mas marami pang mahalaga kaysa sa gintong medalya .

---

Champion

@oscargabat

“Word Poetry Challenge #3 : Gintong Medalya” #1

Noong unang beses kong nabasa ang tula ay naramdaman ko ng mapipili ko ito bilang isa sa mga magwawagi. At nagkataon na matapos ko mabasa ang lahat ng tula ay ito pa rin ang pinakatumatak at nangibabaw sa huli.

Napili ko ang tulang ito para sa kakaibang atake, swabeng daloy at kuwentong puno ng puso. Ang bawat talata'y nakakapukaw talaga ng imahinasyon at emosyon. Nakakagiliw din ang surpresang hatid sa dulo. Saludo ako sayo, @oscargabat. Para sa'yo ang gintong medalya ngayong linggo.

---

Maraming Salamat sa Pagsuporta!

Maraming salamat sa suporta mga kabayan. Kung nais ninyong suportahan ang patimpalak na ito :

Paano Sumoporta sa Patimpalak na ito :

• Magbigay ng donasyon (upvote, SBD/Steem donations, pag-anunsyo ng contest sa mga kakilala)
• Kung nais mong magmungkahi ng Tema sa susunod na patimpalak, i-kontak mo ako sa Discord @jassennessaj#9609 o sa email [email protected]
• Kung maaari I-upvote ang post na ito.

Aasahan ko ang inyong mga Entry bukas!