Word Poetry Challenge #8 : Tagpuan

Nang muli tayong nagkita sa ating "Tagpuan"

Ako ay nagulat sa aking kinauupuan

Mga mata nati'y nagtama

Sa pagkakataong hindi sinasadya

Naramdaman ko muli ang dating nadarama

Sa tuwing tayo noo'y nagkikita

Bawat pagsilay sa ngiti ng iyong mga labi

Ako ay sadyang nabibighani

Lubos akong kinakabahan

Ngayong tayo'y magkaharapan

Aking katawa'y hindi maigalaw

Dahil sa kabang pumapaibabaw

Nag-umpisang bumuka ang iyong bibig

Sa pagpapahayag muli ng iyong "Pag-ibig"

Humingi ka muli ng isa pang pagkakataon

At ako nama'y agad na tumugon

"Oo" ang tanging aking nasambit

Dahil sa pagkawalay nating sinapit

Marahil mahabang panahon pa ang ating pagsasamahan

Sa kaligayahan man o kahirapan

Habang mga palad nati'y magkadaupan

Masayang nilisan ang ating tagpuan

Ito po ang aking akda sa patimpalak na #wordchallenge Ni @jassennessaj para sa temang "Tagpuan". Ang aking ginamit na larawan ay kuha sa aking Samsung S4 kaya naman ito po ay orihinal na mula sa akin. Maraming salamat po sa pagbibigay ng pagkakataon na makapag-sulat ng ganitong uri ng akda na gawa sa ating sariling wika. Pagpalain po kayo!