Word Poetry Challenge #23 ; Balik-tanaw

"Balik-tanaw"

Nag-iisa man ngayon sa isang sulok
Natatangi'ng ikaw ang laman ng aking paghihimutok
Tila ba puso'y mayroon'g karayom na nakatusok
Na dulot nito'y sakit at kirot

---

Pikit mata ko'ng nasilayan
Bumungad sa isip ko ating pagmamahalan
Ang tamis sa unang tagpuan
Na naghatid sa dalawang puso sa harap ng altar

---

Balik tanaw ko ang bawat tunog ng orasan
Nang papalapit na ang oras ng ating kasal
Kaba man ang nararamdaman
Sapagkat di magandang panahon nakisabay din na man

---

Kasabay ng ang ating kaligayahan
Ang bawat hampas ng hangin at ulan
Hindi alintana ang kahit anong bagyo pa man
Sa dalawang pusong nag-iibigan

---

Ako ngayo'y napahagikhik sa tawa
Nang akin muling naa-alala
Paglalakad ko sa altar na napaluha pa
Sa isip ko huling araw na pala ng aking pagka dalaga

---

Pagbabalik tanaw sa bawat pahina
Kahit ano man ang gamiting kataga
Kay sarap balik-balikan ang kwento ng simula
Mananatiling naka baon sa aming diwa

---

Ito po ang aking original na akda sa patimpalak ni Ginoong @jassennessaj. Sa hindi man sinasadyang pagkakataon, sa buwang ito ang selebrasyon ng aming ika-4 na taong pagsasama.

Mga ka steemians patuloy po nating suportahan ang ganitong uri ng patimpalak.