自然醒計劃
急報
16 Nov 2017 7:21pm
冇錢就借定錢， 大茶飯 ，可能有新野，博彩野，同擁有老虎机冇分別，合法。
仲喺度將啲人脈打通。 數據研究緊。
重點係借定錢， 同埋等發達。
博彩機消息更新 技術支援篇
18 Nov 2017 4:40pm
博彩機項目已經進入最後倒數階段.
我試過同我好朋友, 兼IT技術顧問Rambo兄討論， 佢一聽成個計劃， 有兩點係完全冇人做得到嘅， 第一係成千上萬人用嘅live steaming , 即係串流技術, 大家睇xxx tv 睇 the moon的後裔睇 得咁爽 , 聽商業電台聽得咁流暢, 訂水可以咁快送到府上, 其實都係udomain 負責.
第二件事係黑客嘅勒索, 因為搞博彩機嘅生意, 會惹嚟好多黑客, 點解? 梗係你好賺啦! 而我嘅亦師亦友嘅恩師章濤(udomain 創辦人), 就係幫人哋擋黑客嘅攻擊高手。
Rambo話呢兩件事基本上係冇人做到。 咁我即刻安心曬， 因為就算有大型嘅公司，想侵佔呢個市場，都唔係話做就即刻做到。
呢個博彩機直播加透過手機遙控 ，係靈魂嘅一部分， 一百幾十部手機直播順暢係人都做到， 但係如果要一萬幾千部手機，一齊直播又要流暢就真係好難，唔係話冇可能。
而且你可以用手機控制到實時情況， 我諗冇乜邊幾間公司做到， 否則個個醫生， 都可以透過遙控手臂去做手術， 無論病人同醫生各自身處何方。
因為個關鍵嘅delay一秒， 已經令到人哋可以放棄成部博彩機， 而呢部博彩機係完全冇delay。
至少技術支援嗰部分而家叫做傾掂曬。
呢個係人生最大嘅機會， 等於叫你去澳門 投資 開賭場， 基本上你唔使問究竟幾時回本。
博彩機項目更新. 管理篇
20 Nov 2017 2:02am
啱啱同完一位手遊創辦人vincent開會， 佢係大陸某間博彩類別手遊龍頭創辦人。 呢隻game我都幾肯定大家唔小心會玩過， 喺大陸啲遊戲機中心成日都會見到. 要講聲唔好意思先， 因為行業比較敏感， 大家真係唔好再估， 知道就算數。 否則可能影響咗合作關係。
成件事技術支援嗰方面已經解決，可以話無後顧之憂。
第二大問題， 就係解決營運嗰方面， 絕對唔係擺一條友 ,或者擺一間公司去營運咁簡單, 係需要有相關經驗, 有曬之前記錄去衡量呢間公司可唔可以合作， 最大麻煩係啲乜嘢?
最後接到嘅通常都係細公司，你要博佢係咪真係食得起。 你搵間好大嘅，佢又唔信你做得起，最後錢係照收，但係可能拖死咗成件事。
諗嚟諗去都係搵番原班人馬最安全。
呢個人其實一直喺內地做開博彩手遊， 而家就係開緊第二條支線， 呢條支線就係我哋今次要做嘅機器。
喺內地已經係一個風口位， 騰訊投資咗五億， 只係得一萬部機， 而淨係喺日本就已經有500萬部， 世界其他國家係冇乜幾部， 因為唔知d用家可以將佢轉化為老虎機概念，加上中國玩唔到比特幣 ，呢個就係我哋嘅機會。
碌咗唔少人情卡，好彩有章濤喺度， 因為本身佢就係呢個龍頭公司嘅技術支援， 佢幫下口成件事爭好遠。
點樣可以將一件咁健康嘅事， 合法地令到啲用家 自己將佢變成博好彩嘅事， 呢個係要有好勁嘅 法律知識， 仲有it知識同埋會計知識， 簡單啲嚟講應該話撞過900幾次版，而家冇穿冇爛仲喺度，即係解決曬。
傾咗兩個鐘頭 ，唔小心撞下撞下， 原來間公司註冊喺某一個第三世界國家， 用日本波子機嘅營運模式經營， 而獎品係分數， 啲分數又唔知點解可以去某笪地方兌換到比特幣， 我哋同佢完全冇關係， 成條線就通曬。
由於大家都係比特幣信徒， 部機現金價係十萬零八千蚊， 如果用比特幣俾錢有85折， 簡單啲嚟講即係畀15個percent佣你， 去買比特幣返嚟。 大家要準備好，應該呢個幾日內可以搞掂。
吊! 成件事好撚爆!
娛樂博好彩機 項目更新 前線人員篇
20 Nov 2017 3:56pm
問過好多讀者, 問過好多前線, 我估今次呢個項目個反應應該係史無前例咁大, 但真係要講對唔住, 我盡曬能力咁樣令到機嘅數量可以多啲. 但係好多資源係有限, 本身啲嘢係定咗咁多 ，你要再加單嘅話， 可能要再等多一年半載。( 成個遊戲開發國際版， 同埋放部機落地都要一年， 要人哋做緊幫你加單，就要再多年半，即係前後兩年半。)
所以我估計應該會短時間內，好多人上去簽加盟合約。 天機會係經銷商 ，因為成件事同自動售賣機好似， 佢哋亦都有收比特幣嘅經驗。 我搵其他經銷商 ，個個都叫我收港紙， 但係今次營運嗰間公司 ，佢都係比特幣信徒 。佢哋唔想太多錢， 佢想要比特幣 ，否則真係唔想做， 成件事會即刻完咗。 因為佢哋本身真係喺中國發咗十世。
有好多讀者話 ，上次一次過太多人上去，所以等候時間太長， 而且唔係人人都知道點樣買比特幣， 又睇唔切我之前寫啲文。
今次我真係盡曬力，令所有人都可以順暢安全咁樣去簽合約。
大家要多謝tidebit, 佢哋願意開放兩間分公司嘅地方, 畀經銷商入去同大家簽合約, 如果未有買比特幣相關經驗, 或者唔夠比特幣, 或者要充值交易戶口 , 可以即時喺嗰度有人教你點開戶口同埋交易.
提一提大家呢個動作最好帶現金, 否則有兩個percent嘅手續費, 呢個世界開始啲人唔鍾意經銀行, 係大勢所趨 ,你唔知係因為未知啫.
而經銷商係唯一客戶嘅對口 ，所以要先搵咗經銷商先， 佢會分派去唔同嘅區分同大家簽合約， 唔好自己走咗上去交易所 ，話要買呢部機，冇人會知你做乜。
暫時前中後所有嘢定曬。仲有啲細節， 例如finalize嘅合約， catalog 個apps嘅demo， 呢啲都會後補， 否則等於我整埋呢幾樣嘢， 應該所有資源已經畀人哋搶乾咗。
因為人哋大陸嗰邊 ，已經開始做緊， 如果一落地如大家所想係好受歡迎， 就會搶走咗香港呢邊嘅quota ， 相反如果我哋快過佢哋， 咁我哋就唔會畀人哋霸佔咗呢個向上流嘅機會， 你要當而家有一張賭枱 ，放喺非洲但係全世界嘅人都玩得。
你到底要幾多張? 但係呢批賭枱， 喺大陸嗰度係有大機構訂咗， 跟住慢慢將啲賭枱執拾緊， 開始放啲客人嚟嘅時候 ，如果發現香港嘅投資者咁慢， 咁佢哋就會諗， 既然咁好反應我做乜要預備香港人?
賭檯係有限嘅， 原因唔係整到幾多部機嘅問題， 而係到好多人都睇到個風嘅時候 ，人哋唔想益你。
我哋要做嘅嘢係風起之前，做定食大茶飯嘅準備。 人生點都有一至兩次一箭定江山嘅機會， 你捉唔到係你自己嘅問題，唔係個世界冇俾機會你。
我而家攞到嘅數量一啲都唔多， 但係至少我可以令一班人 ，變成賭臺嘅臺主 。
可以正式開始嘅時候我會公開係乜嘢機， 而家仲爭少少法律文件， 情況危急嗰啲小冊子等等嘅嘢我會後補畀番經銷商。
21 Nov 2017 4:59am
估唔到咁多人whatsapp咗去天機嗰度留機， 份意向書 ，其實都係啲標準嘢， 但個律師凌晨先至finalize畀我， 我聽日稍後時間會再確認一次。
希望唔會出現未正式開售就賣曬嘅情況。
因為反應比想像中熱烈， 而家唔係好肯定天機賣走咗幾多部， 我自己呢邊比較熟嘅讀者就已經一共預留幾百部。
大家唔使太急， 正常嘅情況下， 開售嗰日應該仲有機嘅。
我仲有啲小冊子未整好， 可以的話等埋啲小冊子 都得， 至於嗰啲demo嘅apps， 再稍後時間都會有。
我希望聽日可以寫篇詳盡嘅文章講成件事係啲乜嘢， 雖然真係好爆， 而且啲機嘅數量好有限， 但各位理論上應該要睇埋我寫嘅嘢先。 好似好啲， 應該係 ，除非唔係。
啱啱收到vincent比嘅營運數據預測
21 Nov 2017 12:36pm
當然佢自己做緊呢樣嘢，唔單止佢自己仲有同行， 其實大家都大概知道營運數據， 個風只係啱啱吹起， 但我估唔到啲數字就算打到好保守都係好靚。 雖然係預測，不過我估計佢係有參考其他公司。
我而家研究緊啲數據， 因為好保守都係幾個月回本， 仲未計比特幣因素， 全世界冇人做緊呢件事， 亦未計呢個行業爆發性增長緊。
以後呢一個博好彩項目， 正式改名做自然醒躍進計劃。 希望擁有呢部機嘅人，以後都瞓到自然醒。
自然醒躍進計劃 鳴謝機構
21 Nov 2017 10:36pm
因為今次計劃群情洶湧, 相信只係經銷商天機都應該處理唔切, 如果用比特幣享受八五折優惠, 而未有交易戶口或者唔夠比特幣, 天機會盡量安排去tidebit 比特幣交易所. 多謝提供場地同埋工作人員講解關於比特幣買賣嘅問題. 再一次提醒大家，關於部機嘅事交易所係唔會知發生咩事, 上去時請叫天機同事開門, 部機嘅事唔好問交易所， 人哋已經好好人，成件事係義務幫手， 否則會增加佢哋工作壓力。
另外同樣多謝jpmyhouse 提供辦公室及工作人員， 幫手疏導加盟者。
希望令到大家上去加盟嘅時候， 唔好太辛苦， 同埋縮短個時間。
今晚我會公佈成件事係啲乜嘢， 因為太多留言， 搞到我失咗少少預算， 其實係聽日開始正式開賣。。。。。。 唔好意思今日完全冇停過。。。。
公開自然醒躍進項目
22 Nov 2017 12:16am
警告: 因為呢件事係會影響你一生， 希望大家細心反覆睇曬成篇文章， 一定唔可能睇一次就知道邊個位係最值錢， 有好多嘢我係特登唔講得咁清楚。 不論因為法例， 或者競爭對手嘅問題。
成件事係直播夾公仔機, 你可以喺手機app度, 遙控個鉗去夾公仔( 我幾個月前已經試玩過 ，真係好得， 絕對唔係而家嗰啲窒下窒下窒下).
點解唔用虛擬畫工去做? 而要真直播?
因為你會覺得有得練習, 唔係部機黑箱玩曬.
所以第一件事，一定要背後嗰個live streaming做得非常好， 因為一秒鐘嘅delay可以成個遊戲死曬， 你睇下抓樂霸， 你要畀無比嘅耐性先至可以玩到。
爪嘅力度可以係每五十鉗有一次好大力， 亦可以每十次有一次好大力， 去調教返個機會率。
喺日本傳統嘅夾公仔機有500萬部， 而係中國而家只係有200萬部， 響中國基本上係啱啱起步， 個風形成緊。( 騰訊投資咗五億， 搞咗一萬部， 但係喺 live streaming 嗰度炒咗飛機。) 重點係佢哋夾到嘅公仔就真係公仔， 中國認唔歡迎比特幣， 獎品冇可能係比特幣。 而係其他地方， 差唔多等於由零開始，未有人去推， 呢個市場潛力非常之大 ，而且個風吹到埋嚟嘅時候， 肯定成為一個行業嘅板塊， 估計每年會有過百億嘅生意額。
遊戲裏面你要用真錢去買fun coin, 用fun coin 去換遊戲嘅次數, 當然要隻爪大力啲就要你多啲coins,
重點就嚟啦, 呢隻點數將會好似港紙咁樣，係有聯繫匯率, 港紙兌美金之所以有聯繫匯率，係因為佢儲備有美金。
如果fun coin 同比特幣有聯繫匯率, 就一定要有比特幣做儲備, 所以大家加盟呢一部夾公仔機嗰陣時候 ,用比特幣會有85折， 因為可以快速咁樣建立比特幣儲備。
即係話遊戲裏面嘅點數會隨著比特幣市價上升而升值, 吸引更加多人玩， 去賺多啲分 ， 呢個係第二個強大嘅吸引力。
咁點樣換比特幣呢?
到時唔知邊個會有個網頁淨係有fun coin 換比特幣, 我哋都唔知點解會有, 完全同我哋冇關係.
應該會有啲全職嘅玩家, 靠呢一樣嘢可以賺到唔少錢, 喺初期我哋係好歡迎呢d玩家。
如果有個遊戲睇落去有得練習，仲可以賺到比特幣， 其實根本就個個都會玩。
至於大陸市場， 我哋放棄攻打， 第一vincent本身就係做緊大陸市場, 冇可能自己打自己, 第二 大陸根本全部都係利益輸送, 打入去我哋隨時變炮灰。
所以根本唔使打, 係要啲大陸人自己諗辦法過嚟玩 ,因為我哋仲有張皇牌 ㄧㄧ一比特幣 !
就係因為比特幣!內地嘅所有娛樂平台 ，冇可能同比特幣有關係! 呢個反而係我哋賺錢嘅機會。
至於營運數據，Vincent 畀我嗰個數，佢話已經好保守, 我再將佢打返折頭, 當佢六成使用率, 平均三四蚊一鋪, 大約四五十秒遊戲時間, 禮品成本佔 營業額一半, 在減埋一啲固定成本 宣傳 、人工等等， 管理費佔純利一半， 一部機 一個月係賺一萬蚊左右， 而個行業未去到爆炸期。
成個項目只係得一批貨， 而且 我哋嗰個供應係浮動，而只會越來越少， 因為有啲資源只要內地用突咗， 香港呢邊預留嘅就會比內地用先， 相反，如果香港用咗我哋嘅上限， 就等於霸咗地盤 ，雖然唔係好多。
因為預留嘅總數有少少混亂， 所以希望大家盡快畀錢確保真係有機。
同埋希望大家體諒下前線嘅同事， 今次件事係好複雜， 我自己有時都有啲講得唔係咁清楚， 所以如果佢哋有啲地方解釋得唔好， 希望大家都多多包涵。 佢哋將啲問題整合完之後，會同我開會到時叫佢哋覆返大家。
再一次感激Tidebit 比特幣交易所, 同埋jpmyhouse日本不動產嘅拔刀相助.
24 Nov 2017 12:44am
請盡量下星期一之前上去天機, 星期六日唔好去街, 唔好family day, 有機會嗰陣係要主動去捉， 唔係等下先, 睇定啲先。
仲有提醒大家， 而家要喺工廠訂呢部機, 難度就嚟同比特幣掘礦机一樣， 個風真係開始形成， 下年應該啱啱好食中， 我已經盡量提醒大家所有嘢， 唔好羨慕人哋咁早開掘礦合約， 簡單十萬蚊而家每個月都三萬幾， 當日可以理解嘅嘢比而家更加少， 至少唔會有個人畀你講解。
24 Nov 2017 2:00pm
提供夾公仔機技術支援嘅Udomain
其實呢度只係章濤一部分， 我而家有嘅嘢， 都係喺佢身上學返嚟。
http://leonawong.hk/…/24/%e7%8f%be%e4%bb%a3%e9%8f%a2%e5%b1…/
急步 星期一將會加價
25 Nov 2017 12:48am
其實我同營運公司mighty lucky， 一直有數據上面嘅爭拗, 因為我將啲數成日㩒都好保守， 可以的話，用呢一樣嘢盡量拖延時間，令到多啲讀者快啲入機。
出得呢篇文，當然係已經拖唔到啦， 因為時間愈耐， 其實佢哋掌握嘅公仔機嘅營運數據就越多， 以佢哋今星期所掌握嘅回報， 基本上十萬蚊左右投資到部機係異想天開。
(講緊完全冇留机嘅讀者) 今個星期六日， 真係唔好浪費時間， 的起個心肝 ，為自己或者為身邊嘅人 ，甚至乎下一代， 去努力一下 。
至少走上去落訂留咗部機先，將個價錢定咗，減低風險。
其實呢部機嘅重要性， 除咗賺錢之外 ，仲係可以打入呢個版塊嘅圈子， 詳情要過咗星期一，加完價先至可以公佈。
當日我話h 24就嚟加價, 完全冇人理會我, 由17蚊一路加到34蚊, 合約重要永久變到三年, 其實如果一開始 ,唔好嫌三嫌四 ,而家根本每個月嘅收入, 冇乜可能少過自己份人工.
自然醒計劃 付款攻略
26 Nov 2017 12:29am
我見大家可能畀錢嗰方面有啲混亂，所以寫多篇文提醒大家。
首先現金價係十萬零八千蚊 ，比特幣係85折， 明顯營運商想大部份係收比特幣( 聯繫匯率係需要大量比特幣支持)， 返轉頭嚟講，即係畀一萬六千二百蚊 ，你去跑比特幣返嚟。
係應該諗辦法點樣用比特幣去畀錢。
有開掘礦合約， 當然恭喜你， 等於免費可以參加呢個項目， 其實不知不覺之間你係有印銀紙機， 等於零成本， 進入錢搵錢嘅良性循環 ， 比特幣用完 ，又好快會有源源不絕嘅比特幣入來你hardware wallet。 呢個係上策。
至於嗰啲畀完之後升，或者畀完之後跌嘅問題， 其實最有效嘅方法係無論咩動作都好都要補返倉， 唔係畀咗就冇咗。 同埋你本身就係現金本位，所以冇乜影響。
至於香港嘅交易所唔夠比特幣賣畀大家， 我見到個情況又唔係咁， 每日其實都會有啲大嘅賣盤閃現， 好快又會收返入去， 只要閃現嗰一刻你即刻成交(大概幾分鐘)，個價唔係太差。
我搵緊人幫手去睇住 ，跟住通知有需要嘅讀者，仲諗緊個流程點樣簡單啲， 畀多一至兩日時間我。
最下策當然係用錢支付啦， 每部畀多16200。。。。
P.s. 提一提大家星期一嘅六點鐘之後, 營運商決定加價 , 因為淨番嘅機真係唔多, 而且啲數據開始越嚟越清晰, 好難維持十萬蚊左右. 記住係新定舊價， 係以留幾時間為準.
我成日覺得錯失機會嘅讀者 ，其實有八成係懶， 懶得睇，懶得研究，懶得搞。 但後悔時候就勤力搵藉口 ，解釋自己點解冇買。
夾公仔機項目其實每部機賺幾多？
27 Nov 2017 1pm
我計個數係好保守, 同營運公司爭拗就係呢度, 佢哋係國內某個手遊嘅龍頭, 掌握嘅數據畀我多, 我只能夠延遲佢加價。( 估到係邊間唔好寫出嚟，會影響成個項目， 而且我已經暗示都好明顯)
我用嘅係真係夾公仔嘅數， 盡量保守，令到個價錢唔好太貴。
但佢哋用嘅係抽水率， 澳門賭場係17個percent ， 佢哋只係用15個percent計 。每部機嘅利潤係會增加40至到140個percent不等。
咁樣計部夾公仔機係唔可能十萬。
佢哋係唔會淨係加一次， 因為本身我搵其他經銷商嗰陣時候佢哋估價係4， 50萬一部， 詳情我稍後時間再話畀大家聽。
27 Nov 2017 4:49pm
管理公司又再攞啲真實數據出嚟, 呢啲都係好有參考價值, 我只能講句今個星期內, 好大可能會再加多一次價, 我擋唔到好耐.
人哋係龍頭 ,食鹽多過我食米……
已經打電話互相問候對方.
http://news.pedaily.cn/201704/20170414411690.shtml
夾公仔機緊急好消息發布
營運公司啱啱同我講, 夾公仔機嘅機主, 可以擁有 購買後繼機, 推銀機嘅業權, 一部夾公仔機可以擁有五部推銀機嘅業權, 都係玩直播.
呢個業權可以自由轉讓, 賣走四個自己揸一個又得, 全部買走曬又得, 可以搵錢搵錢嘅遊戲 ，往後嘅繼後機, 都係要有呢部夾公仔機先有得入場， 即係話到門就嚟閂埋。
以我估計應該幾日內嘅公仔機就會全數沽清。
而夾公仔機嘅業權遲啲都可以喺二手市場度買賣.
有進一步消息會再通知大家.
夾公仔機緊急好消息發布 再更新
唔好意思講漏咗, 仲有 打魚機 等等等等, 先後次序會因應市況, 總之你諗到嘅機可以直播都會有. 但首先你要搶到部公仔機先, 因為而家夾公仔機淨番嘅數量，應該只能夠頂到幾日嘅需求 。呢一個係建立緊一個澳門.
( 估到營運公司係邊個老闆嘅讀者千祈唔好留言，因為嗰個老闆唔想畀人估到佢係邊個)
營運公司啱啱同我講, 夾公仔機嘅機主, 可以擁有 購買後繼機, 推銀機 以及打魚機 etc嘅業權, 一部夾公仔機可以擁有五部推銀機 及打魚機等等 嘅業權, 都係玩直播.
呢個業權可以自由轉讓, 賣走四個自己揸一個又得, 全部買走曬又得, 可以搵錢搵錢嘅遊戲 ，往後嘅繼後機, 都係要有呢部夾公仔機先有得入場， 即係話到門就嚟閂埋。
以我估計應該幾日內嘅公仔機就會全數沽清。
而夾公仔機嘅業權遲啲都可以喺二手市場度買賣.
有進一步消息會再通知大家.
感謝 udomain上下勞苦功高嘅同事
30 Nov 2017
其實成件事時間都好緊迫, 首先感謝 udomain 幫手設計 catalog, 呢個唔係佢哋專長, 但係係主動幫忙，唔該曬.
第二係極速整咗夾公仔機嘅demo, 終於可以比所有加盟者試玩， (之後會有人約大家想去試玩) 當然呢個只係試玩版 。( 整得好靚， 同埋真係好順暢。)
佢哋應該都係冇得瞓， 喺呢度講句辛苦曬。