Yaşlananda ən çox nəyə peşman olacayıq?

https://goo.gl/images/U61dnG
Yaşlandığımızda çox səyahət etmədiyimiz üçün peşman olmayacayıq. Uşaqlarımızı pis tərbiyə etdiyimiz üçün, özümüzü incəsənətə həsr etmədiyimiz üçün də deyil.

Bəzi yaşlı insanlardan ən çox nə üçün peşman olduqlarını soruşmuşam. Onların çoxu özlərini istifadə etməyə icazə verdikləri üçün peşman idilər.
Bir tanış qadın deyirdi:" Müdirim məndən istifadə edir, mənə üç işçinin işini gördürürdü, mən isə az maaşla buna dözürdüm, bunu özümə bağışlamayacağam"

Bir iş yoldaşım alkoqolik ərinə ömrü boyu dözüb, həyatını məhv etdiyi üçün peşman idi. O qorxurmuş ki, onu tərk etsə vəziyyəti daha da pisləşə bilər. Və nəticədə öz həyatını puç etmişdi.
Bəzən biz kiməsə "yox" deməkdən çəkinirik, xeyirxah insan kimi görünmək istəyirik, etiraz edə bilmirik. Zaman isə dayanmır və gözləmir. O, yanımızdan sakitcə ötüb keçir. Danışmaq lazım olduğu anda susuruq, gərək olduğu anda bəzən söz tapa bilmirik və bununla da heç vaxt bağışlanmayacaq səhvlər edirik.

Bəli, biz buna görə peşman olacayıq- boş yerə xərclədiyimiz zamana, verdiyimiz qurbanlara və könüllü qul olduğumuza görə.
Heç kimin qiymətləndirmədiyi mənasız səbr və dözüm üçün peşman olacayıq. "Yox" sözünü deyə bilmədiyimiz üçün xərclədiyimiz zamanı və enerjini özümüzə sərf etsək, səyahət, incəsənət və uşaqlarımızın tərbiyəsi üçün kifayət qədər zamanımız və gücümüz qalar.
Sadəcə "yox" sözünü deməyi öyrənmək lazımdır- hər şey bu qədər sadədir.