the diary game sports day story 14 Feb 2023

بسم اللہ الرحمن الرحیم شروع اللہ کے با برکت نام سے جو دلوں کے بھید خوب جانتا ہے.
آج کی صبح
میں صبح 6بجے اٹھی دانت برش کیے وضو کیا نماز پڑھی پھر قرآن پاک کی تلاوت کی. میں نے ناشتہ کیا سکول کے لئے تیار ہوئی. آج مجھے بھائی نے سکول ڈراپ کرنا تھا میں نے بھائی کو کہا کہ سکول چھوڑ آؤ. راستے میں ان کو سوئٹ شاپ پر روکنے کو کہا کیوں کہ مجھے لنچ کے لئے کچھ لینا تھا. بھائی نے مجھے سامان لے کے دیا اور ہم لوگ 20 منٹ میں پہنچ گئے. میں سکول داخل ہوئی تو سکول بہت خوبصورت طریقے سے سجا ہوا تھا. جو دل اور آنکھوں کو بہت اچھا لگ رہا تھا. آپ کو بتاتی چلوں کہ آج سکول میں سپورٹس ڈے تھا.

سکول کے بچوں کے چار گروپس بنائے گئے ہر گروپس کو اپنا نام اور اپنا رنگ دیا گیا. آج بہت مزہ آنے والا تھا بچے بھی بہت خوش تھے. میں نے چادر اتاری سامان رکھا اور باہر گراؤنڈ میں آ گئی جہاں ساری ٹیچرز اور بچے موجود تھے. بچے بہت انجوائے کر رہے تھے. سب ٹیچرز کی ڈیوٹیز لگائی گئی کہ اپنے اپنے گروپس میں رہیں اور چھوٹے بچوں کو گروپس سے باہر نہ آنے دیں.ہمارے گروپس کا رنگ پیلا تھا ہر ٹیچر اور ہر بچے کی کوشش تھی کہ ان کا گروپ جیتے.سب گروپس والوں نے اپنے اپنے گروپس کے نعرے لکھے ہوئے تھے.کھیلوں میں سب کھیلیں شامل تھی مثلاً ریس،بوری ریس،رسی پھلانگ،رسہ کشی وغیرہ.
اب سارے بچے ،ٹیچرز اور گیسٹ آچکے تھے سٹیج پر میڈیم اور سر بھی آچکے تھے اب کھیلیں شروع ہونے والی تھی ایک ٹیچر نے مائک سنبھالا اور لاؤڈ سپیکر بھی ترانوں کے لئے لائے گئے. سب سے پہلے 5 بچوں نے جھنڈے اٹھائے

ایک بچے نے پاکستان کا اور پچھلے چار بچوں نے اپنے اپنے گروپس کے رنگ کے جھنڈے اٹھائے اور پورے گراؤنڈ میں تین چکر لگائے. اس کا مطلب تھا اب پروگرام شروع ہونے والا ہےپھر بچوں نے ایک گروپ بنایا اور سر سے اجازت نامے پر دستخط کرائے کہ باقاعدہ پروگرام شروع کیا جائے.

سر نے اجازت دے دی. اب پروگرام شروع ہو چکا تھا اور نرسری کلاس سے گیم شروع کی گئی نرسری پھر پریپ اسی طرح کھیلیں کھیلی کا رہی تھی اور مقابلہ سخت ہو رہا تھا

جو گروپ گیم جیت جاتا وہ کافی خوشی مناتا اور ہوٹنگ کرتا تھا اسی طرح گیم چلتی رہی اور پاکستانی ترانے بھی لگتے رہے. جب کلاس آٹھویں میدان میں آئی تو ہمارے گروپ کا بچہ پہلی پوزیشن پر آیا لیکن دوسرے گروپ نے کہا کے نہیں ہمارا بچہ فرسٹ آیا ہے تھوڑی بہت منہ ماڑی ہوئی لیکن حج صاحبان نے انصاف کیا اور ہمارے بچے کو فرسٹ قرار دیاپھر اسی طرح کام چلتا رہا اور بارویں کلاس کی گیم ہوئی جو رسہ کشی تھی

دو بجے پروگرام ختم ہوا اور لنچ کا ٹائم دیا گیا لنچ کے بعد رزلٹ اناؤنس کرنا تھا حج صاحبان نے. میں اور میری سات دوست کمرے میں آئے لنچ اٹھایا اور لان میں بیٹھ کے کرنے لگی ہم نے بہت سی تصویریں بھی لی.

بہت انجوائے کیا اور ساتھ گپ شپ بھی کی. لنچ کے بعد تقریباً تین بجے پھر گراؤنڈ میں بلایا گیا اور پھر رزلٹ اناؤنس کیا گیا اس میں ہمارے گروپس کی فرسٹ پوزیشن آئی یہ ساری محنت بچوں کی تھی بچے بہت خوش تھے اب شام کے چار بجے میں سے بیس منٹ رہتے تھے گانے لگائے گئے بچوں نے ڈانس کیے اور سب خوش تھے ہر کسی کے چہرے پر مسکراہٹ تھی آخر میں سر نے تقریر کی اور بچوں کی کارکردگی پر مبارک بعد دی. شام کے چار بجے چھٹی ہوئی گاڑی آچکی تھی ہم سوار ہوئے اور گھر کی طرف گاڑی چل پڑی. یہ میری زندگی میں خوبصورت دن تھا جس کی یادیں ذہین میں نقش ہو گئیں. گھر پہنچی تو بہت تھک چکی تھی. چائے پی

اور اب نیند آرہی ہے سونا چاہتی ہوں امید ہے آپ لوگوں کو میری پوسٹ اچھی لگے گی اچھی لگے تو لائیک اور کمنٹس ضرور کیجئیے گا
اللہ حافظ. اب دن کے 2 ہو چکے تھے