میرا نام حرارؤف ہے۔ میری آج کی ڈائری۔پاکستان میں چائلڈ لیبر کابڑھتا رجحان۔

Post by @hirarauf

اسلام وعلیکم
اللّہ کے نام سے شروع جو بڑا مہربان اور نہایت رحم کرنے والا ہے۔وہ تمام جہانوں کا خالق و مالک ہے سب اسی کے آگے جھکتے ہیں اور اسی سے کُن کی امید کرتے ہیں۔بیشک وہ کُن فرمانے والا ہے۔
آج میں آپ لوگوں کی توجہ ایک اہم مسئلے کی طرف کرواؤں گی۔

وطن عزیز کا شمار بدقسمتی سے دنیا کے ان ممالک
میں ہوتا ہے جہاں چائلڈ لیبر کے منفی رجحان میں کمی کے بجائے اضافہ ہو رہا ہے۔سب سے بڑی وجہ غربت ہے۔ یہ ایک شیطانی چکر ہوتا ہے جس سے نکلنا بہت مشکل ہے۔ بچوں کو کام پر اس لیے رکھا جاتا ہے کہ ایک بالغ آدمی کو انھیں پوری مزدوری دینا پڑے گی جبکہ بچہ سستے میں یا مفت میں کام کردےگا۔ دوسری وجہ یہ ہے کہ بچہ ایک نوجوان کی نسبت زیادہ دیرتک اور زیادہ انرجی کے ساتھ کام کرتا ہے جس سے زیادہ سے زیادہ کام لیا جاسکتا ہے۔'تعلیم و آگہی نہ ہونے کی وجہ سے لوگوں کو اندازہ نہیں ہوتا ہے کہ بچے کے ساتھ کیا کیا ہوسکتا ہے۔ وہ ٹریفکنگ میں آسکتا ہے، دہشت گرد کاروائیوں میں استعمال ہوسکتا ہے۔ خطرناک پیشوں میں کام کرنے کی وجہ سےاس کی جان جاسکتی ہے۔'لاکھوں بچے اسکولوں میں تعلیم حاصل نہیں کر پاتے اور ان میں سے بہت سے بچے ہوٹلوں، ورکشاپس، پٹرول پمپس اور گھروں میں کام کرتے نطر آتے ہیں۔ یہ پاکستانی بچے اسکولوں میں پڑھنے سے قاصر ہیں کیوں کہ ان کے اسکول میں جانے کے دنوں اور اوقات میں یہ نچے سخت محنت اور مزدوری کرنے پر مجبور ہیں۔

یہ مزدوری بچوں میں ذہنی، جسمانی، معاشرتی اور کئی اخلاقی نقصانات کا باعث بنتی ہے۔عام طور سے غریب ماں باپ اپنے کم سن بچوں کو متوسط درجہ کے گھروں میں بطور گھریلو ملازم رکھوا دیتے ہیں۔ یہ بچے غلاموں کی طرح زندگی بسر کرتے ہیں اور انہیں کسی قسم کی رعایت حاصل نہیں ہے اور اس کے علاوہ ان سے ضرورت سے زیادہ کام لیا جاتا ہے۔ گھریلو کاموں میں برتن مانجھنا، جھاڑو لگانا، کپڑے دھونا، وغیرہ شامل ہوتے ہیں۔

ان کو کوئی حقوق نہیں دیے جاتے اور اکثر مار پیٹ اور شدید زد و کوب کا نشانہ بھی بنایا جاتا ہے۔ ایسی ملازمت کے دوران تشدد سے موت کی خبریں بھی آتی رہتی ہیں اور اکثر یا تو قانونی کارروائی نہیں ہوتی یا پھر خاطیوں کو مناسب سزائیں نہیں دی جاتی ہیں۔

میری دعا ہے کہ اللہ تعالی آپ سب کو اپنے حفظ و امان میں رکھے۔اور میری دعا ہے کہ اللہ تعالی ہماری اردو کمیونٹی کو ترقی عطا فرمائے۔آمین

اللہ نگہبان