The Diary Game (26-07-2024) Going to hadali for some work by @sajidkhan514

اللہ تعالی کے نام سے شروع کرتا ہوں جو بڑا مہربان نہایت رحم کرنے والا ہے۔ اور تمام جہانوں کا پالنے والا ہے ۔میں ٹھیک ہوں اور میں امید کرتا ہوں اپ سب بہن بھائی ٹھیک ہوں گے۔ اللہ تعالی اپ کو اپنے حفظ و امان میں رکھے۔ امین

اج میں نے ایک ڈائری بنائی ہے۔ جو اپ کے ساتھ شیئر کر رہا ہوں ۔امید ہے اپ کو پسند ائے۔

اج میں صبح تقریبا چار بجے کے قریب اٹھا۔ اس کے بعد میں نہایا۔ نہانے کے بعد میں مسجد چلا گیا۔ مسجد جا کے میں نے فجر کی نماز پڑھی۔ نماز پڑھنے کے بعد میں واپس گھر اگیا ۔

جب میں مسجد سے گھر ایا تو میں نے کچھ دیر ارام کیا۔ پھر میری بیوی اٹھ گئی۔ اور ناشتہ بنانے لگ گئی۔ میری بیوی نے پوچھا کہ اپ نے کس سے ناشتہ کرنا ہے۔ تو میں نے کہا کہ میرے لیے ایک گھی والا پراٹھا بنا دیں۔ اور ایک کپ چائے کا۔ تو میری بیوی نے میرے لیے پہلے گھی والا پراٹھا بنایا ۔اور اس کے بعد میرے لیے چائے بنائی۔ تو میں نے صبح کا ناشتہ گھی والے پراٹھے اور چائے کے ساتھ کیا ۔

ناشتہ کرنے کے بعد میں روٹین کے مطابق اپنے کھیتوں میں چلا گیا ۔وہاں جا کے جانوروں کے لیے چارہ کاٹا ۔چارہ کاٹنے کے بعد چارے کو گھر لے ایا ۔اور جانوروں کی کھلیوں میں ڈالا ۔اور جانور کھانے لگ گئے ۔

جب جانوروں نے چارہ کھا لیا۔ تو گرمی بہت زیادہ تھی۔ میں نے جانوروں کو باہر اپنے کھیتوں میں جا کے درختوں کی چھاؤں کے نیچے باندھ دیا۔ تاکہ جانور گرمی سے محفوظ رہیں ۔کیونکہ یہ بے زبان ہوتے ہیں یہ خود سے تو کہہ نہیں سکتے کہ ہمیں گرمی لگ رہی ہے۔ تو ان کا خیال رکھنا میرا فرض ہے۔ تو میں جانوروں کا بہت اچھی طرح خیال رکھتا ہوں۔ خصوصاََ گرمیوں میں ان کو وقت پر پانی پلاتا ہوں ۔اور درختوں کی چھاؤں کے نیچے باندھتا ہوں۔

جانوروں سے فری ہونے کے بعد میں تیار ہوا۔ کیونکہ میں نے ایک تو سیلون کے پاس جانا تھا۔ اور دوسرا میں نے ہڈالی جانا تھا۔ وہاں پہ میرے انکل فتح خان ہوتے ہیں ۔جن سے میرے بہت اچھے تعلقات ہیں۔ انہوں نے فون کیا تھا کہ میرا پوتا بہت بیمار ہے۔ تو میں نے کہا کہ چلو انکل فتح خان کے پوتے کا پتہ کر اتا ہوں۔ کہ اس کی کیسی طبیعت ہے۔ تو میں نے موٹر سائیکل نکالا اور روڈ پر چڑھ گیا ۔

سب سے پہلے میں کہکشاں سیلون پر گیا۔ سیلون کے پاس اتنا رش نہیں تھا تو میں نے کہا کہ میری داڑھی بنا دو بڑھ چکی ہے ۔تو سیلون میری داڑھی بنانے لگ گیا۔ میں نے سیلون سے داڑھی بنوائی۔ اور اس کو 150روپے داڑھی بنوانے کا دیا۔ سیلون بہت خوش ہو گیا۔ داڑھی بنوانے کے بعد میں نے اپنی تصاویر بھی بنائی۔

داڑھی میں نے جوہر اباد سے بنوائی۔ داڑھی بنوانے کے بعد میں ہڈالی کی طرف چل پڑا۔ ہڈالی جوہر اباد سے تقریبا پانچ کلومیٹر کے فاصلے پر ہے ۔ جوھراباد سے ہڈالی جانے میں تقریبا 20 سے 25 منٹ لگتے ہیں۔ ہڈالی شہر چراغ بالی کے نام سے مشہور ہے۔چراغ بالی ہڈالی کا رہنے والا تھا۔ چراغ بالی کا نام پورے پاکستان میں مشہور ہے۔ چراغ بالی پر کافی فلمیں بھی بن چکی ہیں۔ چراغ بالی کے بارے میں بزرگوں سے سنا ہے۔ کہ وہ غریبوں کے حق میں بہت اچھا تھا۔ ۔تو میں ہڈالی پہنچ گیا۔

جب میں ہڈالی پہنچا تو انکل فتح خان گھر پہ مل گئے۔ وہ زیادہ تر گھر میں ہی رہتے ہیں۔ اپنے جانوروں کا کام وغیرہ کرتے ہیں۔ تو انکل فتح خان مجھے مل کر بہت خوش ہوئے ۔اس نے ہمیں اپنی بیٹھک پر بٹھایا۔ اور ہمارے لیے پہلے سادہ پانی منگوایا ۔اور پھر جام شیری والا پانی بنوایا۔ ہم جام شیری کا پانی پی کر بہت خوش ہوئے۔ میرے ساتھ میرا ایک دوست بھی تھا۔ ہم تقریبا ایک گھنٹہ فتح خان کے ڈیرے پر بیٹھے رہے ۔اور بچے کی خیریت دریافت کی۔ اور انکل فتح خان نے کہا کہ اب پہلے سے بہتر ہے ۔اللہ کا شکر ہے۔ اس کے بعد ہم نے یہ کہہ کر اجازت لی کہ اللہ اپ کے پوتے کو صحت دے۔ اس کے بعد ہم واپسی کی طرف انے لگے۔

واپسی پر میرے ساتھ ایک دوست تھا تو اس کو میں نے خوشاب اتار دیا۔ اور میں اپنے گاؤں اپنے گھر پہنچ ایا۔ گھر ا کے میں نے کچھ دیر ارام کیا۔ پھر میں نے دوپہر کا کھانا کھایا۔ دوپہر کو میری بیوی نے بھنڈی توڑی کا سالن بنایا۔ اور ساتھ تندورکی روٹی بنائی۔ بھنڈی توڑی کا سالن بہت ہی مزیدار تھا ۔میں دوپہر کا کھانا کھا کر بہت خوش ہوا ۔کھانا کھانے کے بعد میں نے ارام کیا ۔اور بچوں کو بھی ارام کرنے دیا ۔کیونکہ گرمی بہت زیادہ ہے۔

دوپہر کو ہم نے ارام کیا۔ ہم تقریبا پانچ بجے کے قریب اٹھے۔ اٹھنے کے بعد میں خود نہایا۔ بچوں کو نہایا۔ کیونکہ گرمی بہت زیادہ ہے ۔اس کے بعد پھر کچھ گھنٹوں بعد شام ہو گئی۔ تو شام کا کھانا میں نے تندور کی روٹی اور ٹھنڈے دودھ کے ساتھ کھایا ۔کھانا کھانے کے بعد میں نے کچھ دیر چہل قدمی کی تاکہ کھانا ہضم ہو جائے۔اس کے بعد میں ارام سے سو گیا۔