چائے چاہئیے

دودھ سے صرف ہڈیاں مضبوط ہوتی ہیں مگر چائے سے
...دوستی ، رشتے ، تعلق اور محبت

ابو جی نے مضحکہ خیز انداز میں یہ جملہ بولا تھا. میں نے حیرانگی سے انکی طرف مڑ کر دیکھا کہ آج ابّا جی اتنے فلسفہ دان کیسے بنے ہوئے ہیں. معلوم پڑا کہ یہ گیان انکا
. نہیں، فیس بک کا ہے

عنوان سے ذرا ہٹ رہی ہوں مگر کیا آپ کے امی ابا
بھی فیس بک کو پیر مانتے ہیں ؟

خیر ابا کی اِس بات پہ میں کھل کھلا اٹھی اور بولی: ہو جائے پھر؟

.ابا بولے: آدھا کپ

یہ آدھا کپ کیا ہوتا ہے؟ آپ پورا کپ کیوں نہیں پیتے؟

تم کیوں پورے سے تھوڑا سا کم پیتی ہو؟

مجھے اچانک سے انسٹاگرام کی ایک ریل یاد آ گئی جس کے مطابق آدھا کپ چائے محض ایک دھوکہ ہے کہ ہم
چائے تھوڑی پی رہے. اصل حقیقت تو یہ ہے کہ یہ چائے زیادہ پینے کا موثر طریقہ ہے . بات بھی سچ ہے، میرے
ابا آدھا کپ کرتے کرتے دن میں پتہ نہیں کتنی مرتبہ چائے
. پی لیتے ہیں

باورچی خانے میں چائے بناتے ہوئے میں نے ابا کی فیس بک والی کہاوت پہ غور کیا اور سوچا کہ ہم دیسی لوگوں کے لیے چائے واقعی مشروب سے بڑھ کے ہے . یہ ایک مل
. بیٹھنے کا اور گپ شپ کا بہانہ ہے

مجھے ابھی بھی یاد ہے جب میں چھوٹی تھی ہمارے گھر شام کی چائے کو بہت اہمیت دی جاتی تھی. ابا بازار سے سموسے لے آتے تھے یا اکثر امی نے کاغذی سموسے بنا کے رکھے ہوتے تھے اور میں ساتھ میں چائے بنا لیتی تھی . پھر ہم سب بہن بھائی اور امی ابو باغیچے میں بیٹھ کر چائے پیتے اور دُنیا جہاں کی باتیں کرتے. سردیوں میں بھی یہی کچھ ہوتا بس باغیچے کی جگہ ایک رضائی ہوتی تھی جس پہ ہم بہن بھائی لڑتے کہ کس نے زیادہ کھینچ لی اور ساتھ میں مونگ پھلی کھاتے . تب دور اچھا تھا ڈھیروں چلغوزے بھی ہر محفل کا حصہ ہوتے تھے . اب تو دِل چاہتا ہے چوری پاؤ والا لفافہ لے کر طلب پوری کرلوں تاکہ کسی سے شیئر نا کرنا پڑے۔

اِس کے علاوہ چائے ہم دیسی لوگوں کے لیے ہر درد کی دوا اور ہر مسئلے کا حَل بھی ہے . کوئی ٹینشن ہے، چائے پی لو . سر درد ہے، چائے پی لو . جیسا کہ مذکورہ بالا ریل میں بھی
، کہا گیا

Single Input - Multiple Outputs

یہ چائے نامہ لکھتے ہوئے مجھے حال ہی میں کیا گیا لاہور کا دورہ یاد آگیا . ایک شام میں کچھ دوستوں کے ساتھ ایک ڈھابے پہ گئی .وہ جگہ اصل ڈھابے سے تو کافی بہتر تھی مگر نام چائے ڈھابہ ہی تھا. وہاں ہم نے مٹکا چائے پی. اسکی خاص بات یہ ہے کہ وہ دیر تک گرم رہتی ہے . چائے سے زیادہ مجھے اس جگہ کے ماحول نے اپنی طرف
متوجہ کیا. رنگین دیواریں اور چلبلے فقرے - سب چیزوں نے مل کر ایک منفرد اور ہمیشہ یاد رہنے والا تجربہ بنا
.دیا

چائے کے ابلنے اور سڑکنے کی آواز نے مجھے اپنے خیالوں کی دنیا سے باہر نکالا . جلدی سے ایک آدھا کپ اور ایک پورے سے تھوڑا کم کپ تیار کر کے میں ابا کے پاس چلی گئی . اور پھر ہم نے خوب باتیں کی . جن میں سے زیادہ
.انکی ملک سے مایوسی کے متعلق تھی

---

^{I don't have the energy to edit anymore or write an English version. Good luck with your translator.}

Edit: The translation is terrible. I might write the English version later on. Depends on my mood.