Steemit Enagement Challenge ||🛫🌏 Your travel manager ✈ I Goychay, Azerbaijan

Salam Dünya. Salam əziz Steemit camaatı.
Çox sevindirici bir haldır bizim üçün Topluluğumuzun fəaliyyətləri və fəallığı ilə Steemit Dəstəkçiləri bu sezonuda yarışmalar üçün ev sahibliyini Steemt Azərbaycana verdi. Dostum @revan746 nın bu işdə əməyi sonsuzdur. təşəkkürlər qardaşım. Mən də bu sezonun 1 ci həftəsinin Səyahət meneceri yarışmasında öz şəhərimin tanıtımını az da olsa etmək istəyirəm. Mənin doğma şəhərim Göyçay...

Göyçay rayonu Azərbaycanın dağətəyi və düzən reliyefə malik mərkəzi aran iqtisadi coğrafi bölgələsində yerləşən rayonlarından biridir.

Şəhər tarixən ticarət yolunun üstündə yerləşdiyinə görə ticarət daha inkişaf etmişdir. Quru tropic iqlim tipi hakim olmasına baxmayaraq dağətəyi ərazilərdə mülayim hava tipi şəraitində bir çox meyvə növləri yetişdirmək mümkündür. Əsasən nar növləri ilə məhşur olan rayonun AZNAR QSC kimi böyük şirə zavodu, Mirzəhüseynli ərazisində Şərab Zavodu fəliyyət göstərməkdədir. Hər il Aznar QSC-nin dəstəyi ilə NAR Festivalı keçirilir ki, burda narın görmədiyimiz növlərinə rast gələ bilərsiniz. Çox maraqlı tədbir olur. Hər il xaricdən gələn qonaqlar Aznar QSC-nin böyük ərazisində salınmış Otel və Əyləncə Parkında istirahət edir. Şəhərin adı şəhər mərkəzindən keçən Göyçay adlı çaydan götürülmüşdür. Rayonun şəhər mərkəzində böyük Musiqi, Şahmat məktəbləri İdman Olimpia Kompleksi, Stadion, yaxşı xidmət göstərən kafe və restoranlar var. Şəhər hissəsi heç də böyük olmamasına baxmayaraq doqquz tam orta məktəb, Dövlət İdarəetmə və Texnologiya kolleci və Peşə İxtisas texnikomu var.
Şəhərimizdə 130 il əvvəl tikilmiş tarixi abidələrdən yeraltı hamam Azərbaycanın nadir memarlıq abidələrindən sayılır.

foto
Göyçayın imkanlı şəxslərindən olan Həzrət bəy Ağazadə bu hamamı qızına cehiz olaraq tikdirib. Uzun illər insanlara xidmət göstərən bu nadir tikilinin bir sirri indiyədək sirr olaraq qalır. Hamamın çirkab suları hara və necə axıdılması haqqında aparılan araşdırmalara baxmayaraq, bu sirr hələ də sirr olaraq qalır.. Yeraltı hamam adı ona əsas hissəsi torpağın səthindən 2 metr dərinlikdə yerləşdiyi üçün verilib. xaricdən kvadrat formasında olan tikilinin daxildə oval şəkilli üç böyük salonun ikisi qadınlar, biri isə kişilər üçün olub. Hamamdan eyni vaxtda 70 nəfər istifadə edə bilirmiş. Hamamın özəlliklərindən biri də onun qış vaxtı necə qızdırılması ilə bağlıdır. Belə ki, araşdırmalar zamanı içəridə heç bir xüsusi qızdırıcı peç olmadan ocaqxanada qızdırılan isti su bişmiş kərpicdən tikilmiş döşəmənin altındakı borularla dövr edərək hər üç salonu qızdırırmış.

Azərbaycanın ilk ali təhsilli memarı Zivər bəy Əhmədbəyovun verdiyi layihə əsasında 1902 ci ildə tikilmiş olan Əbülfəzil Abbas məscidi də Azərbaycanın tarixi memarlıq incilərindən sayılır.

foto

Məscidin həyətyanı sahəsi 500 kv.metr, iç sahəsi 360 kv.metr, hündürlüyü isə 7 metrdir. Məscidin günbəzi dəyirmi formada olub, hündürlüyü 2 metrdir. Günbəzin üstü dəmir təbəqə ilə işlənmişdir. Minbəri taxtadandır və doqquzpilləlidir. Mehrabı isə divarın içərisində olub, hündürlüyü 2 metrdir.

Göyçay yaz və payız aylarında daha sərin və gözəl olur. Payız meyvələri bolluq və bərəkət gətirir.
Payız aylarında əsasən Noyabr ayının ilk həftəsində keçirilən Nar festivalına gəlməyinizi tövsiyə etərdim.

fotolar

Əgər Azərbaycanda keçirilən Festivallar haqqında məlumat almaq həmçinin gəzməli görməli yerlər haqqında məlumat almaq istəsəniz https://migrationto.az/az-festivals.htm saytından məlumat ala bilərsiniz.
Bura gəlmək üçün Heydər əliyev Hava limanından azı 30-40 dəqiqəlik avtomobil yolu ilə Bakı Rayonlararası Avtovağzalına taksi ilə gəlməlisiniz. Şirkət taksi xidmətlərindən istifadə etməyiniz tövsiyyə olunur. (Şəxsi taksilər çox baha qiymətə xidmət göstərirlər.) bu yol üçün 10-12 manat (steemin hazırkı qiyməti ilə desək 1 AZN = 2,3296 steem) yəni 23.30 Steem ödəməlisiniz. Rayona gəlmək daha az məsrəf edir. Cəmi: 8 azn = 18.63 steem. Səyahət bahalı olduğu üçün ən azı özünüzlə 1000 steem götürsəniz yaxşı olar .

Beləliklə rayonun şəhər hissəsinə Bakıdan iki böyük yolla gəlmək mümkündür.

1-ci Dağlı-dərəli, meşəli həmçinin dairəvi döngələri, aşırımları ilə məhşur olan Şamaxı-Ağsu yolu ilə 212km.

foto

2-ci Bakı-Qazax Magistiralı 248km. Aşağı yol adlanan yayda magistral yolda Hacıqabul rayonu ərazisində Qədrxum adlı Ailəvi istirahət Mərkəzinə getməyiniz də məsləhətdir.

foto

foto

Bu Nar abidəsini gördüysəniz artıq şəhərə çatmısınız. Təbriklər...

Sonda Dostum video operator Qismət Babayevin Göyçayın kiçik bələdçi vidosunu da sizlərlə paylaşıram.

Lahiyyənin şərti olaraq azərbaycandan @orxan-m-50 və @isa545, türkiyədən @mesafe, @fhrekr, @whyshy dostları da etkinliyə dəvət edirəm.

Oxuduğunuz üçün təşəkkürlər