Steemit Enagement Challenge ||💖💙||Season2, Week #3 ||💛💚|| My technology world. #club100. Təkamül. by@gulaybagirzade

Salam, hər vaxtınız xeyir olsun. Necəsiniz? Budur topluluğumuzun sayca 3-cü müsabiqə mövzusu. Böyük məmnuniyyətlə iştirak etmək qərarına gəldim. Keçən dəfəki müsabiqədə yüksək səs almağım da bir növ stimul oldu. Beləliklə, hansı texnologiyalardan nə məqsədlə istifadə edirəm. Sizcə, ilk öncə nəyin adını çəkməliyəm.:) Təbii ki, mobil telefonun. Həyatımızın vazkeçilməzi mobil telefonlar. Ah, telefonlar. Həyatınızı onsuz təsəvvür edirsiniz? Mən əsla.

İlk öncə hər birimizin adından ilk mobil telefonların ixtiraçısı Martin Cooperə dərin təşəkkürümü bildirirəm ki, keçən əsrin 80-ci illərində belə gözəl bir neməti ixtira edib və bizə bəxş edib. Ruhu şad olsun :). İlk mobil telefonun 794 qram ağırlığında olması haqqında da məlumat oxumuşam, yalan və ya doğru olması haqqında heç bir fikrim yoxdur. Qozqıran adlanan o ilk Motorola telefonlar. Böyüklərimizin möcüzə kimi baxdığı telefonlar. Nənəm demişkən yalnız "aloo, bəli" funksiyaları olan o telefonlar hələ də işlənməkdədir.

Yadımdadı, hələ mən çox balaca olanda əmim danışırdı ki, vaxt gələcək, insanlar telefonla görüntülü danışacaq, adamlar bir birlərini yanlarında hiss edəcək. Yalnız qucaqlamaq mümkün olmayacaq. Bilmək olmaz, bəlkə də o da zamanı ilə mümkün olacaq. Mobil telefonlar nə üçün lazımdır, ondan harada istifadə edirəm. İlk növbədə onu deyim ki, sevdiyim əşyaları, məkanları, insanları, bir sözlə, ilgimi çəkən hər şeyin şəklini çəkirəm. Özü də telefonun şəkil çəkmə proqramları imkan verir ki, o gördüyümü olduğu kimi yox, görmək istədiyim kimi çəkim.

Daha sonra rəsmlə məşğul olduğumu da bütün STEEMİT aləmi bilir. İnternet vasitəsilə bəyəndiyim şəkillərin rəsmini çəkirəm. Mobil telefon mənim üçün həm sinemadı, həm dərs otağıdı, həm kalkulyatordu, həm zəngli saatdı, həm monometrdi, həm tərcüməçidi, həm təqvimdi, həm naviqatordu ki, məni getmək istəyib tanımadığım ünvana dəqiq şəkildə çatdırır.

ikinci dostum isə mənim kompüterimdi. Əsla ayrılmaq istəmədiyim və canım qədər sevdiyim dostum. Akademiyaya qəbul olan kimi ilk işim valideynlərimə kompüter aldırmaq oldu. Buradan @revan746 ya kompüterim üçün dərin təşəkkür edir, doğum gününü təbrik edirəm. Kompyuterlə distant dərslərə qoşuluruq, eyni zamanda dərs hazırlayıram. Müxtəlif mövzularda layihələr, təqdimatlar, slaydlar hazırlayıram. Müəllimlərimiz PDF şəklində dərsləri göndərir, biz isə dərsi oradan oxuyuruq.

Hərdən düşünürəm ki, insanlar bu texnologiyalar olmadan necə yaşayırlarmış? Bunu düşünəndə özümü mağara adamı kimi hiss etdim:) Bəzən evdə nənələr, babalar hirslənib telefonların qarasınca danışırlar. Bu qutuları görürsünüzmü? Bunlar hamısı puldur:)

Doğru deyirlər, puldur. Məsələ burasındadır ki, özləri də telefon olmadan keçinə bilmirlər. Bundan sonra həyatı mobil əlaqəsiz təsəvvür etmək mümkün belə deyil. Görürsünüzmü, bax bu kəlmələri də sizə kompyuterdə yazıram. Yaşasın texnoloji. Gün o gün olsun ki, STEEMİTDƏ yaxşı qazanıb özümə IPhone markalı telefon ala bilim. Mənə səs verəcəyiniz üçün əvvəlcədən təşəkkürlər 😊. Müsabiqədə iştirak etmək üçün @revan746 və @famil i dəvət edirəm.