අල්සයිමර් ද ඇම්නීෂියා ද

දුව නිකන් කෝදුව වගෙනෙ
එහෙම කිව්වෙ
අම්මගෙ යාළුවෙක්

දණිස්සෙන් පහළට දිග
තනි කරලෙ කොණ්ඩෙ ගස්සල
නැලවිලි ගමනින්
සැහැල්ලුවෙන්
කැම්පස් ගිය කාලෙ
අනේ එහෙම කාලයක්

සර්වෙයින් කරපු
මිස්ටර් පතිනාදර්
ඔයාට දැම්ම නම
"ඕල්වේස් ගොයින් අප් ඇන්ඩ් ඩවුන්"
දැන් නම් ඔයා ඒ කාලෙ වගෙ
ඉබාගාතෙ යන්නැතිවැති,නෙහ් ?

අපරාදෙ කියන්න බෑ
මාව බෞතිස්ම කළ නම
තවම මට ගැලපෙනව
"හැබිචුවල් ලේට් කමර්"

දැන් දකින්නත් නැති
ඩ්‍රෝයින් බෝඩ් ටී රූල්
උස්සන් ගියා මතකද
හවුස් ප්ලෑන් ඇන්ද හැටි
මදුරුවො කකා නිදි මරාගෙන
"කටුබැද්ද නම් මදුරුවො
මදුරුවො නම් කටුබැද්ද"

කවුද අනේ අර
අපට බීසී කරපු
උස මහත කළු ටැමිල් සර්......
නම මතක් වෙන්නැති හැටි

මේ නම් අමතක වෙන ලෙඩේට
කියන නම මොකක් ද
අල්සයිමර් ද
නැත්නම්............
ආ... මේ.........
ඇම්නීෂියා ද 😥

----- චාම් -----

Source of image : toppng.com