Isang maligayang araw po Steemit Philippines!

Alam naman po natin na tayo ay mayroong iba't ibang hilig pagdating sa pagkain lalong lalo na sa snacks. Kapag gusto natin, ay s'yang ating binabalik balikang bilhin at hindi lang yan, atin ring pinag-aaralan kong paano lulutuin at inaaplayan natin ng twist sa sarili nating mga version sa kung paano ito lutuin.

Ngayon po ay ibabahagi ko lamang kong paano lutuin ang tinatawag na BANANA CHIPS. First time kong gumawa nito kaya maingat kong pinag-aaralan kahit simply lang ang pagluto sa ganitong klaseng snack.

Ang lola ko ay galing sa lakad at sa kanyang pag-uwi, bitbit nya na ang mga saging na ito, kaya naisipan naming gawing banana chips dahil hindi pa naman hinog ang mga ito.

PROCEDURE

Ang una naming ginawa ay isa isang binalatan ang mga saging saba hanggang sa maubos sa pagbalat ang mga ito.

Pangalawa, ang mga natapos nang binalatan na mga saging ay pinag hahati-hati ng hindi lang masyadong manipis na pagkaka hati kasi ayaw ng mama yong masyadong manipis.

Matapos ma cut ang isa-isa sa mga iyon, ay nagpakulo na ng mantica hanggang sa pwedi na, inilunod ang mga hinati hating mga saging.

Mula sa pagkakalunod, naghintay ng ilang minuto na medjo mamumula na ang saging na pinakulo sa mantica habang nagtutunaw ng brown sugar sa insaktong measurement lang ng tubig.

Pagkatapos magtunaw ng brown sugar, insaktong namumula na ang mga chips, kaya inihalo na doon ang tinunaw na brown sugar sa tubig.

Hinalo-halo ang mga ito sabay sabay hanggang sa ang mga tinunaw na sugar ay kumakapit na sa mga chips. Naging kulay brown na nga at kinuha na pagkatapos maluto. Kaya ito na ang mukha sa finished cooked banana chips na ito.

Kaya naman pagkaluto, ay amin ng pinagsasaluhan. Ito yong snack namin ngayon na may paris na kape, lalo na't maulan ulan ang panahon.

Ang banana chips ay patok rin na negosyo dito saamin lalo na't ang pinagkukunan talaga ng pangkabuhayan o produkto dito sa Misamis Oriental ay saging.

Marami pang paiba-ibang klase sa pagluluto ng saging, ngunit ito lang muna ang maibabahagi ko sainyo sa ngayon.

Magandang araw, at mabuhay Steemit Philippines!

25% of payout from this post goes to @null

God bless po sa ating lahat.🙏🏻🙌