السلام و علیکم
کیسے ہیں آپ سب امید کرتی ہوں کہ آپ سب ٹھیک ہوں گے اور میں بھی بالکل ٹھیک ہوں.

آج کے دن کا آغاز بہت ہی سرد ہوا ہے. نہ جانے کیوں سب کو سردیاں اچھی لگتی ہیں مجھے تو بالکل بھی اچھی نہیں لگتی. میں کچھ زیادہ ہی سردی کو محسوس کرتی ہوں اور سردی میں تو بالکل بھی کام کرنے کو دل نہیں کرتا-پہلے سردیاں اتی تھی تو ہم ہیٹر آن کر لیتے تھے لیکن ہماری بد قسمتی کے پہلے بجلی مہنگی ہوئی اور اب گیس بھی مہنگی ہو گئی. مہنگی ہونے کے ساتھ ساتھ اب تو بس نئی نویلی دلہن کی طرح منہ دکھانے آتی ہے اور منہ دکھائی میں اتنا مہنگا بل پکڑا کےجاتی ہے.
تو چلیں بجلی اور گیس سے تھوڑا آگے بڑھتے ہیں.
آج جیسے ہی گھر سے باہر نکلی تو دیکھا کہ دھند بہت زیادہ تھی اور سوچا تھا کہ مستری اور مزدور کے آنے سے پہلے میں اپنا نیا گھر دیکھ آؤں جو کہ ابھی انڈر کنسٹرکشن ہے.
ابھی باہر کا ویو ہی دیکھ رہی تھی کہ وہ آگئے اور مجھے مجبورا گھر واپس آنا پڑا لیکن واپس آتے آتے میں نے ایک تصویر کھینچی.

ہمارے گھر کے باہر بجلی کی اتنی زیادہ تارے تھی تاروں کا جھرمٹ بدصورتی کے ساتھ ساتھ خوف میں بھی مبتلا کر رہا تھا. کیونکہ میرے چاچو کی ڈیتھ کرنٹ لگنے سے ہوئی تھی. ان کی اس اچانک ڈیتھ نے سب کو خوف میں مبتلا کر دیا تھا. بجلی کے نظام میں بہتری لانے کی ضرورت ہے لوگوں کی سیفٹی اور بہتری کے لیے انڈر گراؤنڈ وائرنگ ہونی چاہیے لیکن اب حکومت کا دھیان اس طرف کون کروائے. یہ نہ ہو کہ حکومت کو غصہ آ جائے اور وہ اتنی زیادہ تاروں کے نقصانات کی وجہ سے لائٹ ہی نہ بند کر دیں. ( Just kidding )
چلیں اپنے کام کی طرف واپس آتے ہیں. آج ہم نے ساگ پکایا تھا. جو کہ گرما گرم روٹی کے ساتھ کھانے کا بہت مزہ آیا.

آج بہت سے کام تھے اس لیے پکچرز لینے کا وقت نہیں ملا. کھانے سے فارغ ہو کر کپڑے واش کیے. گھر کی صفائی کی جہاں ہم ابھی رہائش پذیر ہیں. جب شام ہوئی تو حویلی سے دودھ آگیا. ہماری ایک حویلی ہے جہاں پر ہم نے بہت ساری گائیں اور بھینسیں رکھی ہوئی ہیں. حویلی کا وزٹ آپ کو میں پھر کبھی کرواؤں گی.

ہماری حویلی سے بڑے برتنوں میں دودھ آتا ہے. لوگ ہمارے گھر سے فریش دودھ لے کے جاتے ہیں. پہلے ہم اسے ایک باریک کپڑے سے چھانتے ہیں تاکہ اگر کسی قسم کے کوئی ذرات وغیرہ دودھ میں ہیں تو وہ نکل جائیں.دودھ کی جھاگ چیک کریں ذرا.

اس کے بعد ہم خود بھی گھر میں دودھ بوائل کرتے ہیں. دودھ بوائل کرنے کے بعد جیسے ہی چائے بنانے لگے تو گیس چلی گئی. رات کے وقت گیس کی آنکھ مچولی جاری رہتی ہے.

چنانچہ کچھ دیر کا ہم نے بریک لیا اور پھر ہم نے مکئی کی روٹی بنانے کی تیاری کی. آپ سب کو تو پتہ ہوگا کہ ساگ کے ساتھ مکئی کی روٹی بہت ہی لذیذ لگتی ہے اور یقینا سب مکئی کی روٹی بنانے کی ترکیب بھی جانتے ہوں گے لیکن آج ہم ساگ اور مکئی کا آٹا مکس کر کے ایک نیو تکنیک کے ساتھ روٹی پکائیں گے. میں خود بھی پہلی دفعہ ٹرائی کر رہی ہوں تو چلو دیکھتے ہیں کہ کیسی بنتی ہے. سب سے پہلے میں آپ کے ساتھ سمپل طریقے سے روٹی بنانے کی ترکیب شیئر کروں گی.

سب سے پہلے گرم پانی لیا ڈو بنانے کے لیے. مکئی کا آٹا گرم پانی میں شامل کرتے ہیں اور ہلکا ہلکا پانی لگا کے اس کی ڈو ریڈی کرتے ہیں. اس کے بعد بیلن کے اوپر پلاسٹک کا شاپر بچھائیں گے. اور ہلکا ہلکا اس کے اوپر پانی لگائیں گے. اور اس کے اوپر ہم روٹی کو شیپ دیں گے. اب آپ سوچیں گے کہ پلاسٹک کا شاپر ہی کیوں? اس لیے کیونکہ اس سے ہم بہت آسانی کے ساتھ روٹی کو بیلن سے اٹھا کر توے پر ڈال سکتے ہیں. مکئی کی روٹی ہلکی آنچ پر بنتی ہے. اور ہم دیسی گھی کا استعمال بھی کرتے ہیں. اس طرح یہ ایک پراٹھے کی طرح تیار ہوتی ہے جو کہ کھانے میں بہت ہی مزیدار لگتی ہے.

اور سیم اسی پروسیجر کے ساتھ گرم پانی میں ہم مکئی کا آٹا شامل کریں گے اور ساتھ ہی تھوڑا سا ساگ شامل کر کے اسے مکس کریں گے. یہ نیو ٹیکنیک سے جو ہم نے مکئی کے آٹے کے ساتھ ساگ شامل کر کے روٹی بنائی تھی. یہ یقین جانیں بہت ہی لذیذ بنی تھی. مجھ سے صبر نہیں ہوا اسی لیے میں ساتھ ہی پکاتے ہوئے کھانے بھی لگ گئی.

اتنا مزیدار ڈنر کرنے کے بعد ہم چائے سے لطف اندوز ہوئے اور اس کے بعد ہم نے آگ جلائی. سردیوں میں ایک یہی منظر ہے جو مجھے بہت پسند ہے. آگ جلانا اور سب فیملی ممبرز کا اس کے ارد گرد بیٹھنا.

اور اس کے کوئلے ہم روم میں لے آتے ہیں اس سے ہمارے روم کا ٹمپریچر کافی حد تک گرم ہو جاتا ہے اور کچھ دیر کے لیے سردی سے چھٹکارا بھی مل جاتا ہے. اور اسکےبعداپنے بچے کے ساتھ بہت اچھا ٹائم سپینڈ کیا۔

اس طرح ایک اور دن کا اختتام اچھی بات کے ساتھ کرتے ہیں ایک ساتھ مل جل کر رہے۔ خوش رہیں اور خوشیاں بانٹیں.

Allah Hafiz

Invites @aminasafdar, @abdullhahsafdar and @mehwish-almas to participate.

Cc: @suboohi @event-horizon