My Urdu poetry 📚📚📜📑

ہیلو دوستو

السلام علیکم دوستو! کیا حال ہے میں امید کرتا ہوں اپ سب خیریت سے ہوں گے میں الحمدللہ بالکل ٹھیک ہوں ۔

^{تصویر کینوا سے بنائی ہے}

دوستو! میرا دل کر رہا ہے کہ میں اج اپنی کچھ شاعری اپ لوگوں کے ساتھ شیئر کروں۔
اس سے پہلے میں اپ لوگوں کو بتانا چاہتا ہوں کہ میں اردو میں شاعری کرتا ہوں اور اج اپنی پوسٹ بھی اردو میں ہی کر رہا ہوں۔
اردو شاعری میں میرے پسندیدہ شاعروں میں احمد فراز، میر انیس، مرزا غالب اور محسن نقوی جیسے عظیم المرتبت شعرا ہے۔
جبکہ انگلش میں میرے پسندیدہ جان کیٹس ہیں۔

شاعری کسی انسان کو خدا کی طرف سے ایک عطا ہوتی ہے اور یہ الہامی ہوتی ہے کوئی عام انسان اپنے الفاظ جوڑ کر شعر نہیں کہہ سکتا۔ میں بھی بعض دفعہ بہت کوشش کرتا ہوں کہ شعر کہوں لیکن مجھ سے شعر نہیں ہوتا لیکن بعض اوقات خود سے ہی میرے ذہن میں الفاظ جڑتے جاتے ہیں اور شعر اور پھر شعروں سے غزلیں بنتی جاتی ہیں۔
اپ کے ذوق کے مطالعہ کے لیے میں اپ کے ساتھ اج ان دو غزلیں شیئر کرتا ہوں ہو سکتا ہے کہ میں مزید بھی شیئر کروں لیکن اج اس کو اس میں صرف یہ دو غزلیں ۔

غزل

ظلم کو دیکھ کے بھی جس کی زباں مر جائے
اس کے جینے سے تو بہتر ہے میاں مر جائے

ڈھول ایسا ہو کے ہر تھاپ پہ وہ یاد ائے
رقص میں کروں اس کا دھیاں مر جائے

ماں کی ہو خیر ہمیشہ میں یہی چاہتا ہوں
چاہے بدلے میں میرا سارا جہاں مر جائے

اس طرح کا ہوتا لگ کے وفادارری میں
تیر نکلے تو مری جان کماں مر جائے

پھر زمین پر وہ فسردہ سی کھڑی رہتی ہے
فصل تیار ہو جب اور کساں مر جائے

ہے پہاڑوں سے بڑا دکھ یہ قسم کھاتا ہوں
باپ پردیس میں ہو اور وہاں مر جائے

اس طرح کی ہے اداسی میرے اندر عابد
جیسے بستی میں اچانک سے جواں مر جائے

^{ڈائری سے غزل کی تصویر}

دوسری غزل

سنی گئی ہے یہ افواہ میرے بارے میں
میں مشوروں سے رہا ہوں عمربھر خسارے میں

تمہارے بعد اسے پڑھ رہا ہوں کثرت سے
لکھی ہے صبر کی تلقین جس سپارے میں

بروز حشر اگر بولنے کا موقع ملا
خدا سے بات کروں گا تمہارے بارے میں

اسی لیے میں محبت کو ترک کرتا ہوں
کہ ہجر ملتا ہے بس مجھ کو استعارے میں

ہزار باتوں کا مطلب کہیں پہ کچھ بھی نہیں
ہزار راز چھپے ہیں کہیں اشارے میں

ادھورے پن کی اذیت کا کیا کریں عابد
میں بے سہارا جیا ہوں کسی سہارے میں

علی عابد

^❤️📜

دوستو میں نے اپنی ڈائری میں سے دو پرانی غزلیں اپ کے ساتھ شیئر کی ہیں انشاءاللہ اگلی مرتبہ جب میں ایسی پوسٹ کروں گا تو اپ کے ساتھ نئی غزلیں شیئر کروں گا۔ میں آپ کو بتاتا چلوں کہ یہ غزلیں ابتدائی ہیں جب میری شاعری کے ابتدائی دن تھے

تصویریں میں نے اپنے موبائل سے بنائی ہیں

---

محبتوں کا شکریہ ❤️.

---

---

🌷نیک تمنائیں 🌷

🌷@aliabid01🌷