Photo of the week #204 | contest post | in motion, Picnic in this winter, Pakistan

السلام علیکم ،

ایک بہت ہی خوبصورت مقابلہ ورلڈ اف ایکسپائلر نے پیش کیا ہے ۔ہمیشہ ہی یہاں بہترین مقابلے پیش کیے جاتے ہیں۔ مگر یہ سب سے بہترین ہے۔ کیونکہ بطور خاص تصویر کھنچوانے کے لیے ہم ایک خاص اینگل میں کھڑے رہتے ہیں۔ جبکہ اس مقابلے کے تھیم میں حرکت کرتی ہوئی تصاویر کی فرمائش کی گئی ہے ۔اور مجھے یہ سب سے بہترین مقابلہ لگا۔

یہ تصاویر جو میں اپ کے ساتھ شیئر کر رہی ہوں وہ اس ہی سردی کی ہے۔ دسمبر کے درمیان میں ہمارا ناردرن ایریاز میں جانے کا پروگرام بنا۔ ابھی برف باری شروع نہیں ہوئی ہے۔ مگر چونکہ میرے شوہر کے پاس وقت نہیں ہوتا، لہذا ان کو جب وقت ملا تو وہ ہمیں گھمانے پھرانے لے گئے۔ وہاں جا کے پتہ چلا کہ سردی انے سے پہلے ہی سردی کے استقبال میں نقلی برف پہاڑ کے اوپر گرا کے ایک پکنک سپاٹ بنایا گیا تھا۔ جب اصل برف باری ہوتی ہے تو اس وقت تو ہر چیز پر سفید رنگ کی چادر بچھ جاتی ہے۔ مگر چونکہ ابھی برف باری شروع نہیں ہوئی تھی لہذا نقلی برف سے کام لیا گیا اور ایک خوبصورت منظر سامنے ایا۔

بچے وہاں جا کر بہت خوش ہوئے۔ کیونکہ انہوں نے اپنی زندگی میں پہلی بار برف باری دیکھی تھی۔ اور یہ ان کی زندگی کا یادگار دن تھا ۔ہم صرف تین دن کے لیے ناردرن ایریاز میں گئے ،مگر وہ تین دن اتنے بھرپور گزارے کہ ان کی یادیں ہمارےی بہترین لمحات بن کر ساتھ رہیں گی۔

انسان اپنی مصروف زندگی میں تھوڑا سا وقت نکال کر فیملی ٹائم گزارے تو اس کی اپنی صحت اور مزاج پر بہترین اثر پڑتا ہے۔ اس کے علاوہ بے شک یہ ایک فیملی پکنک تھی، مگر وہاں جا کر معلوم ہوا کہ ہمارے جیسے اور بھی خاندان اپنی فیملیز کے ساتھ ائے ہوئے ہیں ۔اور سردی کی امد کو انجوائے کر رہے ہیں۔

بچوں نے وہاں پر سنو سلائیڈنگ بھی کی اور برف کے گولے بنا کر ایک دوسرے کے اوپر اچھا لے۔ جتنا زیادہ وقت ہم وہاں گزار سکتے تھے ہم نے گزارنے کی کوشش کی۔ کیونکہ زندگی میں دوبارہ کبھی یہاں پر انے کا موقع ملے یا نہ ملے۔ جو وقت ہمارے ہاتھ میں ہے اس کو بہترین طریقے سے انجوائے کر کے گزارا جائے تو زیادہ اچھا ہے۔ اور بچوں کو جو کہ ہم برف باری ہی دکھانے لائے تھے اس لیے وہ اچھے طریقے سے اس منظر کو انجوائے کر سکیں۔

بے شک سارے موسم اللہ تعالی نے ہمارے لیے ہی بنائے ہیں۔ مگر میری اپنی نیچر یہ ہے کہ مجھے سردی کا موسم سب سے زیادہ پسند ہے۔ کیونکہ سردی میں انسان بے شک ٹھنڈ سے سن ہو رہا ہو۔ مگر جیسے ہی اپنے جسم کو گرمی پہنچانے کے لیے وہ کوئی گرم چیز پہن لے یا کھا لے تو اس کو کسی قسم کی پریشانی کا سامنا نہیں کرنا پڑتا۔ جب کہ گرمی میں سارے ٹھنڈی چیزیں اور اپنے جسم کو ٹھنڈک پہنچانے والے کپڑے پہننے کے باوجود انسان کا وجود گرمی سے بے حال رہتا ہے۔ اوپر سے گرمی میں لوڈ شیڈنگ بہت زیادہ ہوتی ہے ۔بار بار بجلی بند ہونے سے ٹھنڈک پہنچانے والی الیکٹرک چیزیں بھی خراب ہو جاتی ہیں ۔جن میں اے سی ،فریج، فریزر سب سے اول نمبر پر اتے ہیں۔ چونکہ گرمی سے گھبرا کر انسان پانی اور ٹھنڈی ہوا میں وقت گزارنا پسند کرتا ہے اور جب ٹھنڈی کرنے والی چیزیں ہی خراب ہو جائیں تو وہ ان کو صحیح کروانے کی کوششوں میں ہی سارا وقت گزار دے۔ اس لیے مجھے سردی کا موسم زیادہ پسند ہے۔ حالانکہ گرمی میں ہمارے لیے بہت فوائد ہیں ،ہم بیماریوں سے محفوظ ہو جاتے ہیں ۔جراثیم مر جاتے ہیں ۔مگر انسان کی اپنی پسند ناپسند ہوتی ہے ،اسی لیے مجھے سردی کا موسم بہت پسند ہے۔

میں امید کرتی ہوں کہ اپ کو میری پوسٹ پسند ائی ہوگی۔ شکریہ دعاؤں میں یاد رکھیے گا اللہ حافظ۔

میرے اسٹیمیٹ کے کچھ خاص ساتھی جو کہ بہترین مقابلے جیتے ائے ہیں ان کو میں اس مقابلے میں بھی شرکت کی دعوت دوں گی۔
@ninapenda
@tresor
@suryati1