Assamualaikum Warramatullah
Jaroe dua blah lon sapa syehdara
Meuh lon lakee rakan meutuwah
Kadang na salah bak lon meurika
Tajak hareukat ngen ta toet leumang
Atoe beutimang beu santeut banja
Apui ta puhue meubek raya that
Leumang meukarat tutong plok luwa
Leumang breuh leukat dengen boeh labu
Teuma meujampu ngen ubi pih na
Meu soe nyan hawa ta peurab laju
Roeh mantoeng susu merek bendera
Meunye ka jula hana le laku
Adak na susu hana le buka
Adak pih neuba ranub sigapu
Nyan merek susu han meuteume rasa
Leumang ka itam tuwoe ulon poet
Kabeh meubalet ngen apui rasa
Watee tarasa kalagei jagoeng teu teet
Kalagei beei geutoet malam baroesa
Sianeuk dara ka jitoeh geuntoet
Sungguh han patoet jih mantoeng dara
Meumada oeh noe leumang ulon teet
Maklum hai rakan malam ka jula
Sigli, 27 Mei 2018