Literaturang Filipino: Dugo't Pawis Para sa Karangalan

Nais ko po namang ibahagi ang tema ngayon na karangalan. Ako po ay lubos na nagpapasalamat at nagwagi ako sa kauna-unahang pagsali ko sa maikling kwento noong nakaraang linggo na ang tema ay pag-ibig.

---

pinagmulan ng imahe

Noong mga nakaraang taon ng aking pag-aaral ay marami akong natanggap na parangal dahil sa aking pagsisikap at determinasyon sa pag-aaral. Ngayon ay isang panibagong hamon naman ang aking kahaharapin bago ko makamit ang inaasahan kong parangal. Ilang buwan pa ang aking susuongin para makamit ko muli ang aking inaasam na makuha. Bago ko pa man makukuha iyon ay may mga pagsubok pa na dapat kong malagpasan. Sa pagsisimula ng pasukan ay nangako na talaga ako sa sarili ko na magpupursige ako sa aking pag-aaral. Naging inspirasyon ko ang aking mga magulang sa aking pag-aaral. Kung saan-saan man sila kumukuha para lamang isupporta sa aking pag-aaral. Dahil sa naging sitawasyon ko ay mas minabuti ko pa ang aking pag-aaral. Minsan tinitipid ko pa ang aking baon para lamang maggamit ko sa mga magkakasabay na proyekto. Ginawa ko iyon para lamang sa aking pag-aaral.

Nasa kalahati pa lamang ng semester ay lalo na akong nahihirapan. Minsan ay napa-isip ako ng negatibo at nawawalan na akong kumpiyansa sa sarili ko na para bang napapagod na ako. Hanggang sa kalaunan ay nawala na rin ito dahil na rin sa natuto akong labanan iyon. Kapag ako ay nahihirapan ay nagpapatulong ako sa mga dati kong kaklase. Handa naman silang tumulong kaso abala rin sila sa kani-kanilang pag-aaral. Mabuti na lamang ay may isang kaklase na handa siyang tumulong at ganun din ako. Itago na lang natin siya sa pangalang Jaja. Si Jaja ang pinakamatalinong kaklase ko dati. Nagpapalitan kami ng ideya at nagtutulungan sa aming mga leksyon. Kagaya na lamang sa akin na kapag hindi ko naiintindihan ang aralin namin sa calculus. Bilang kapalit ay tinuturuan ko rin siya sa chemistry kapag may hindi siya nauunawaan. Masaya na rin ako kasi may kaagapay ako kapag kailangan ko ng tulong kapag may nahihirapan akong asignatura.

Sa wakas, nagbunga na rin aking pagsisikap at matatanggap ko na rin ang inaasahang parangal na iaalay ko sa aking mga magulang. Pinarangalan akong "with honors" at tatlo lamang kaming mapalad na nakakuha ng karangalan sa aming seksyon. Sina Anna, Karl at ako lamang ang nakapasok na paparangalan sa darating na Marso. Abot langit ang aking pasasalamat kasi isa namang pagsubok ang aking nalampasan ng aking buhay. Dumating na ang araw na kami at ang iba pang mag-aaral ay paparangalan na. Masaya ako kasi napatunayan ko na naman sa aking sarili at sa aking ina na nakaya ko ang isang delubyong hamon na aking nalagpasan. Pagkakuha ko ng medalya ay medyo nadidismaya ako sa aking sarili at pati na rin sa aming guro na si Bb. Dina. Hindi ko alam kung bakit kasi ginawa ko naman ang lahat pero hindi naman naging matagumpay ang nais kung makamit. Tinanggap ko na lamang kung ano yung sa akin. Ako si Kevin ang estudyanteng gustong makakuha ng maraming karangalan. Para mapatunayan sa mga taong umaapi sa akin.

---