အမှတ်ရစရာကျိုက်ထီးရိုးဘုရားဖူး(အပိုင်း၂)

အမှတ်ရစရာကျိုက်ထီးရိုးဘုရားဖူး(အပိုင်း၂)

အပိုင်း(၁)ဖတ်ရန်လင့်
https://steemit.com/myanmar/@yethihakyaw/amwtyasyaundefined-ktai-obauyaapau-apong1-20171123t201656527z

ညသန်းခေါင်12 နာရီကျော်လောက်မှာခရီးကပန်းနေပြီ။ရှေ့မဆက်ချင်တော့သလိုဖြစ်လာတယ်။တောင်တက်ရတာကြာတော့ဒူးတွေကကိုက်သလိုလိုဖြစ်လာတယ်။ဘုရားဖူးချင်တဲ့ဇောနဲ့သာဆက်ပြီးတက်နေရတာ။ရိုးရိုးတောင်ကုန်းကိုတက်ရတာကသိပ်ပြီးမသိသာလှဘူး။တစ်ချို့တောင်ကုန်းတွေမှာကျောက်လှေကားထစ်ကလေးတွေလုပ်ထားတယ်။အဲဒီလှေကားထစ်တက်ရတာအဆိုးဆုံးပဲ။ဒူးတွေတစ်အားကိုက်တာ။ကြာတော့တောင်တက်ရင်းလှေကားထစ်မြင်ရင်ကိုကြောက်နေပြီ။လှေကားတစ်ခုတစ်ခုကိုအနည်းဆုံးအထစ်ငါးဆယ်၊တစ်ရာလောက်တက်ရတာဆိုတော့လှေကားမြင်လိုက်ရင်လန့်ပြီးအပေါ်မတက်နိုင်တော့ဘူး။
အောက်မှာပဲနားပြီးအပေါ်ရောက်ရင်တစ်ခါနားနဲ့တက်ခဲ့ရတာ။ခရီးကတစ်ဝက်ကျော်လောက်ရောက်လာပြီဆိုတော့အောက်လည်းပြန်ဆင်းလို့မရတော့ဘူး။
မနက်မှကားစောင့်ပြီးစီးလို့လည်းမရတော့ဘူး။ကားလမ်းနဲ့ခြေလျှင်လမ်းကတစ်ခြားစီဖြစ်သွားပြီဆိုတော့အားတင်းပြီးတော့ပဲတက်ရတော့တာပေါ့ဗျာ။

ခရီးတစ်နေရာမှာတော့အသက်အရွယ်နဲနဲကြီးတဲ့လင်မယားနှစ်ယောက်ထိုင်နေတာတွေ့လို့မေးကြည့်တဲ့အခါဆက်ပြီးမတက်နိုင်လို့ဆိုလို့တွဲပြီးတက်ခဲ့ရပါသေးတယ်။တောင်ကုန်းနှစ်ခုလောက်တက်ပြီးတော့ဈေးဆိုင်လေးတစ်ဆိုင်တွေ့ပါတယ်။အဲဒီလင်မယားနှစ်ယောက်ကဆိုင်မှာပဲအိပ်ပြီးမနက်မှခရီးဆက်တော့မယ်ဆိုကာနေခဲ့ပါတယ်။ကျွန်တော်တို့သုံးယောက်ကဆက်ပြီးထွက်ခွာလာခဲ့ကြပါတယ်။ခဏနေတော့လမ်းမှာဖရဲသီးရောင်းတဲ့ဈေးသည်တွေ့တော့ပျော်လိုက်တာဗျာ။စောစောကလင်မယားထားခဲ့တဲ့ဆိုင်ကစားစရာဘာမှမရတော့ဘူးတဲ့။ခြေလျှင်လမ်းတက်တဲ့လူကတော်တော်နည်းသွားတော့ဆိုင်တွေလည်းနည်းသွားပြီးစားစရာတွေလည်းအများကြီးမလုပ်တော့လို့ပါတဲ့။ဖရဲသီးသည်ဆီကဖရဲသီးကလည်းချိုပြီးစားလို့ကောင်းလိုက်တာဗျာ။ရေခဲစိမ်ထားမှတ်ရဲ့။ပတ်ဝန်းကျင်ကလည်းအေးနေတော့ပိုပြီးစားလို့ကောင်းတယ်။ဗိုက်လည်းဆာနေတော့တော်တော်လေးကုန်အောင်စားပြီးမှဆက်လျှောက်ခဲ့ကြပြန်ပါတယ်။
ပတ်ဝန်းကျင်ကအရမ်းကြီးအေးကိုက်နေပေမယ့်ကျွန်တော်တို့ကတော့ချွေးတလုံးလုံးနဲ့ပေါ့ဗျာ။လက်မှာကိုင်ထားတဲ့တောင်ဝှေးကလည်းလက်ကိုင်တဲ့နေရာကလွဲရင်အောက်ပိုင်းကအေးစက်နေပါတယ်။တောင်ဝှေးရဲ့အောက်ခြေကိုကြည့်လိုက်တော့မြေကြီးပေါ်ခဏခနထောက်ပြီးတက်လာရတဲ့အတွက်ဖွာလန်ပြီးနေကြာပန်းပွင့်ကြီးလိုတောင်ဖြစ်နေပါတယ်။

တဖြည်းဖြည်းနဲ့မနက်နှစ်နာရီလောက်ရောက်လာတဲ့အခါကျွန်တော်တို့ဆီမှာပါလာတဲ့ဓာတ်မီးကအားကုန်ချင်လာပါပြီ။ဓာတ်မီးအားမကုန်ခင်ရှေ့ကသွားနှင့်တဲ့အဖွဲ့ကိုအမှီလိုက်ရပါတယ်။သို့မဟုတ်ရင်လမ်းကမှောင်မဲနေတော့ဘယ်လိုမှရှေ့ဆက်လို့ရမှာမဟုတ်ဘူးဆိုပြီးခပ်သုတ်သုတ်လိုက်ရပါတယ်။အတန်ကြာတော့မှီသွားပါတယ်။သူတို့အဖွဲ့နဲ့ကပ်ပြီးလိုက်နေရင်းဈေးဆိုင်တန်းလေးတစ်ခုတွေ့ပါတယ်။ဒါပေမယ့်ဆိုင်ရှင်တွေကအိပ်နေကြပါပြီ။အိပ်လည်းမတတ်နိုင်ဘူး။မရရအောင်နှိုးပြီးဓာတ်မီးရောင်းသလားမေးပါတယ်။ကံကောင်းထောက်မစွာပဲရောင်းတယ်ဆိုတော့တအားပျော်သွားတာပေါ့ဗျာ။ဓာတ်မီးအသစ်လည်းဝယ်ပြီးရောခရီးဆက်ကြပြန်ပါတယ်။

မနက်သုံးနာရီလောက်ရောက်တော့ကျိုက်ထီးရိုးဘုရားကိုမီးရောင်အောက်မှာလှမ်းပြီးဖူးမြင်လိုက်ရပါတယ်။အားမလျှော့နဲ့ ရောက်တော့မည်ဆိုတဲ့ သီချင်းလေးကိုတောင်သတိရသွားပါတယ်။တစ်လမ်းလုံးလျှောက်ခဲ့ရသမျှ ပင်ပန်းနွမ်းနယ်မှုတွေချက်ချင်းအလိုလိုပြေပျောက်သွားပြီးလန်းဆန်းတက်ကြွလာပါတယ်။ရောက်တော့မယ်ဆိုပြီးအရမ်းပျော်ရွှင်လာပါတယ်။တစ်ကုန်းလောက်တက်လိုက်တော့ဘုရားကတောင်တွေနဲ့ကွယ်ပြီးပျောက်သွားလိုက်ပြန်မြင်ရလိုက်နဲ့တက်ခဲ့ကြလိုက်တာသုံးနာရီခွဲလောက်မှာဘုရားကိုရောက်ပါတယ်။
စုစုပေါင်းတက်ချိန်7နာရီလောက်ကြာခဲ့ပါတယ်။
ဘုရားမုဒ်ပေါက်နားမရောက်ခင်ပါလာတဲ့ရေဘူးထဲကရေနဲ့မျက်နှာသစ်ပလုတ်ကျင်းပြီးဘုရားဖူးဖို့တန်းပြီးသွားခဲ့ကြပါတယ်။

ဘုရားဖူးပြီးတော့တည်းခိုဖို့ရာအတွက်တည်းခိုခန်းတွေကမဖွင့်သေးတဲ့အတွက်ရင်ပြင်တော်ပေါ်မှာပဲအိပ်ဖို့နေရာရှာရပါတယ်။အဆောင်တစ်ခုရဲ့တံစက်မြိတ်အောက်နှင်းလုံတဲ့နေရာလေးကိုရွေးပြီးအိပ်ဖို့ဆုံးဖြတ်လိုက်ကြပါတယ်။ပါလာတဲ့ဆောင်လေးတစ်ထည်စီထုပ်ပြီးကျောပိုးအိတ်ခေါင်းအုံးလုပ်ကာအိပ်လိုက်ကြပါတော့တယ်။လူတွေကလည်းပင်ပန်းနေတော့တစ်ခါတည်းအိပ်ပျော်သွားပါတယ်။အိပ်ပြီးတော့သိပ်မကြာလိုက်ဘူးထင်ပါတယ်။ဆူဆူညံညံအသံတွေကြားတော့နိုးလာပါတယ်။အိပ်ချင်မူးတူးနဲ့နိုးလာပြီးမော့်ကြည့်လိုက်တာကျွန်တော်တို့သုံးရောက်ကိုလူတွေကကျော်လိုက်ခွလိုက်လုပ်နေတာတွေ့ရပါတယ်။သေချာကြည့်လိုက်တော့မှရွှေသင်္ကန်းဝယ်တဲ့လူတွေဖြစ်နေတယ်။ကျွန်တော်တို့ကရွှေသင်္ကန်းရောင်းတဲ့ဆိုင်ပေါက်ဝတည့်တည့်အိပ်နေမိတာကိုခုမှသတိထားမိတော့တယ်။ဒါနဲ့ မဖြစ်ဘူးဆိုပြီး ဟိုနှစ်ယောက်ကိုပါ နှိုးပြီး ဆိုင်ရှေ့က ထခဲ့ရပါတယ်။

မနက်ငါးနာရီလောက်ရှိနေပြီဆိုတော့ဘုရားရင်ပြင်တော်ပေါ်မှာဘုရားဖူးတွေနဲ့ပြည့်နေပါပြီ။ဆွမ်းတို့၊ပန်းတို့ရောင်းတဲ့ဆိုင်တွေကလည်းဖွင့်နေပါပြီ။ကျွန်တော်တို့လည်းဆွမ်းနဲ့ပန်းဝယ်ပြီးဘုရားကိုနောက်တစ်ခေါက်သွားဖူးရင်းကပ်ကြပါတယ်။ဆွမ်းကပ်ပြီးတော့ဈေးဆိုင်တန်းတွေကိုလှည့်ကြည့်ကြပါတယ်။ပြီးတော့တည်းခိုဖို့နေရာလိုက်ရှာကြပါတယ်။တည်းခိုခန်းအားလုံးပြည့်နေတဲ့အပြင်ဓမ္မာရုံမှာတောင်နေရာမရှိတော့ပါဘူး။အပြီးသတ်တော့ကျွန်တော်တို့ထွက်လာတဲ့ရက်ကဇန်နဝါရီ3ရက်၊ဒီနေ့4ရက်နေ့လွတ်လပ်ရေးနေ့ဖြစ်နေတာကိုး။
ဒါကြောင့်မို့ဘုရားဖူးပရိတ်သတ်ကအရမ်းများပြီးတည်းစရာနေရာမရှိအောင်ကိုဖြစ်နေပါတယ်။တည်းခိုခန်းရှာမရတာနဲ့မနက်စာစားရအောင်ဆိုပြီးစားသောက်ဆိုင်တစ်ခုထဲဝင်လိုက်ပါတယ်။စားစာရာတွေမှာပြီးနဲ့နောက်ဆိုင်ရှင်ဖြစ်သူကကျွန်တော်တို့ကိုကြည့်ပြီးတည်းစရာနေရာရပြီလားဟုမေးရာမရသေးကြောင်းပြောလိုက်ပါတယ်။အဲဒီဆိုင်ရှင်ကပဲသူ့ဆိုင်မှာအခကြေးငွေပေးပြီးတည်းလို့ရကြောင်းပြောတော့ကျွန်တော်တို့ဝမ်းသာသွားပါတယ်။ဒါပေမယ့်သူ့ဆိုင်မှာတည်းမယ်ဆိုရင်ထမင်းဟင်းကိုလည်းသူ့ဆိုင်မှာပဲစားရမှာဖြစ်ကြောင်းပြောပါတယ်။ကျွန်တော်တို့သုံးယောက်ကလည်းသဘောတူတဲ့အကြောင်းပြောတော့ဆိုင်နောက်ဖေးကအခန်းကျဉ်းလေးတစ်ခုကိုလိုက်ပြပြီးနေရာပေးပါတယ်။ဘာပဲဖြစ်ဖြစ်နေစရာရပြီးရောကွာဆိုပြီးမနက်စာစားပြီးတာနဲ့အဲဒီအခန်းလေးထဲပြောင်းပြီးနေရာချလိုက်ကြပါတယ်။ညကလည်းအိပ်ရေးပျက်ထားတာ၊မနက်ခင်းရောက်ခါစကလည်းကောင်းကောင်းမအိပ်ရသေးတော့ခနတွင်းပဲသုံးရောက်သားအိပ်လိုက်ကြတာနေ့ခင်းတစ်နာရီလောက်မှနိုးပါတယ်။

အိပ်ရာကနိုးတော့ရေချိုးမယ်လို့စဉ်းစားပြီးဆိုင်ရှင်ကိုမေးကြည့်တော့ရေကသူ့ဆိုင်မှာမရှိကြောင်း၊ရေရောင်းတဲ့နေရာမှာသွားပြီးဝယ်ရမှာဖြစ်ကြောင်းပြောတော့ကျွန်တော်တို့လည်းရေရောင်းတဲ့နေရာကိုမေးပြီးထွက်လာကြပါတယ်။ညတုန်းကတောင်တက်နေရလို့ချမ်းမှန်းမသိသာပေမယ့်ခုလိုချိန်ကြတော့ကျိုက်ထီးရိုးတောင်ပေါ်မှာတစ်အားအေးနေပါတယ်။ဒါနဲ့ရေမချိုးတော့ဘူးလို့ဆုံးဖြတ်ပြီးကိုယ်လက်သုတ်သင်မျက်နှာသစ်နဲ့ပြီးခဲ့ကြပါတယ်။ပြီးတဲ့အခါရေရောင်းတဲ့သူကိုဘယ်လောက်ကျလည်းမေးကြည့်တော့တစ်ပုံးကိုသုံးရာတဲ့။ပုံးဆိုလို့အကြီးကြီးမှတ်မနေနဲ့ဗျ။ခြေထောက်ဆေးဖို့လောက်ခွက်သာသာပုံးလေးတွေ။ရေချိုးမယ်ဆိုပုံးနှစ်ဆယ်လောက်ချိုးတောင်အားရမယ်မထင်ဘူး။ဘာပဲဖြစ်ဖြစ်တောင်ပေါ်မှာကရေရှားလို့ထင်ပါရဲ့။ဒါနဲ့ကျသင့်ငွေရှင်းပြီးထွက်လာခဲ့ကြပါတယ်။

ဆိုင်ပြန်ပြီးထမင်းပြန်စားပြီးတဲ့အခါ
ဘုရားပေါ်သွားရအောင်ကွာဆိုပြီးနောက်တစ်ခေါက်ဘုရားဖူးသွားခဲ့ကြပါတယ်။ရွှေသင်္ကန်းကပ်ဖို့သွားဝယ်တဲ့အခါဆိုင်ရှေ့ရောက်တော့မနက်တုန်းကအဲဒီဆိုင်ပေါက်ဝရှေ့အိပ်နေမိတာတောင်ပြန်သတိရမိပါတယ်။ရွှေသင်္ကန်းကပ်ပြီးတဲ့အခါရင်ပြင်တော်ပေါ်မှာခဏထိုင်ပြီးစကားပြောနေခဲ့ကြပါတယ်။ရင်ပြင်တော်ပေါ်မှာကလူတွေပိုပြီးတောင်များလာပါတယ်။တစ်ချို့ဆို ပလတ်စတစ်မိုးကားလေးတွေမိုးပြီးအိပ်နေကြပါတယ်။ကျွန်တော်တို့လို တည်းခိုခန်းမရတဲ့လူတွေဖြစ်မှာပေါ့ဗျာ။ရင်ပြင်တော်ကနေကျီးပါးစပ်ဆိုတဲ့နေရာကိုသွားကြည့်ကြပါသေးတယ်။ရေတံခွန်ကိုတော့မရောက်ဖြစ်ခဲ့ကြပါဘူး။လူတွေကလည်းပန်းနေတော့သွားချင်စိတ်လည်းမရှိပါဘူး။

ရင်ပြင်တော်ကပြန်ဆင်းလာပြီးနီးနီးနားနားပတ်ဝန်းကျင်ကိုလျှောက်ပြီးသွားကြပါတယ်။ဈေးတန်းတွေထဲမှာဝင်ပြီးကျိုက်ထီးရိုးအမှတ်တရပစ္စည်းလေးတွေ၊အင်္ကျီလေးတွေဝယ်ပြီးတည်းခိုတဲ့နေရာကိုပြန်လာခဲ့ကြပါတယ်။တရေးတမောပြန်အိပ်ကြပါတယ်။အိပ်ရာကနိုးတော့ညနေဘက်တော်တော်တောင်မှောင်နေပါပြီ။ထပြီးမျက်နှာသစ်၊ထမင်းစားပြီးဘုရားပေါ်ပြန်တက်ခဲ့ကြပါတယ်။
ကျိုက်ထီးရိုးဘုရားကနေ့ခင်းဖက်ဖူးရင်တစ်မျိုးသပ္ပါယ်သလိုညဘက်မီးရောင်အောက်မှာတစ်မျိုးသပ္ပါယ်လှပါတယ်။ရင်ပြင်တော်ပေါ်မှာတော်တော်အချိန်ကုန်အောင်နေခဲ့ကြပြီးမှဈေးတန်းတွေဘက်ငေးရင်းတည်းခိုစရာနေရာရှိရာထမင်းဆိုင်ကိုပြန်ခဲ့ကြပါတယ်။ညဘက်မှာတစ်အားအေးလာတဲ့အတွက်တော်တော်နဲ့အိပ်မပျော်ခဲ့ကြပါဘူး။ညဥ့်နက်မှအိပ်ပျော်သွားပြီး မနက်တော်တော်လေးလင်းမှ အိပ်ရာကထခဲ့ကြပါတယ်။

ဒီနေ့ပြန်ဆင်းမှာဖြစ်တဲ့အတွက်ပစ္စည်းတွေပြန်သိမ်း၊ဆိုင်ရှင်ကိုအခန်းအပ်ပြီးအဲဒီဆိုင်မှာပဲမနက်စာစားခဲ့ကြပါတယ်။မပြန်ခင်ဘုရားပေါ်တက်ပြီးဘုရားဖူးခဲ့ကြပါသေးတယ်။ဘုရားဖူးပြီးတော့ပြန်ဆင်းဖို့အတွက်ကားဂိတ်ကိုထွက်လာခဲ့ကြပါတယ်။အဆင်းကိုတော့ကားနဲ့ဆင်းတော့မယ်ဆိုပြီးထွက်မယ့်ကားတွေလိုက်မေးကြပါတယ်။ဒါပေမယ့်ကားတွေကအဖွဲ့လိုက်လာတဲ့ဘုရားဖူးအဖွဲ့တွေကိုပဲတင်တာဗျ။ကျွန်တော်တို့လိုတစ်ယောက်နှစ်ယောက်လာတဲ့သူတွေဆိုရင်လူပြည့်ပြီဆိုပြီးမတင်ဘူး။ဘယ်လိုမှပြောလို့မရဘူးဗျာ။အတော်ညစ်ပတ်တဲ့ကားလိုင်းတွေပဲဗျာ။တော်တော်ကြာအောင်စောင့်ပြီးတဲ့အခါ ကျွန်တော်တို့သုံးရောက်ကဆက်ပြီးမစောင့်ချင်တော့ပဲ အတက်တောင်ခြေလျှင်တက်လာခဲ့သေးတာ။အဆင်းလည်းခြေလျင်ဆင်းမယ်ကွာ လို့ဆုံးဖြတ်ပြီး အလာတုန်းကလမ်းအတိုင်း ခြေလျင်ပြန်ဆင်းခဲ့ကြပါတော့တယ်။

ကျိုက်ထီးရိုးတောင်က အတက်သာ အားစိုက်ပြီးတက်ခဲ့ရပေမယ့်အဆင်းကြတော့ခြေထောက်တွေကသူ့ဘာသာသွားနေတာ။ဟန်လေးပဲထိန်းပေးရုံပဲလူက။တော်တော်သက်သာတယ်ဗျာ။နေ့ခင်းဘက်ဆင်းလာတာဆိုတော့ပတ်ဝန်းကျင်ကိုလည်းကောင်းကောင်းကြည့်လို့ရတာပေါ့။ကျွန်တော်တို့ကအဆင်း၊လမ်းမှာကျွန်တော်တို့လိုပဲခြေလျင်တက်လာကြတဲ့လူတွေနဲ့ဆုံတော့ ရောက်တော့မှာလားဘုရားကလို့မေးကြပါတယ်။ကျွန်တော်တို့ကလည်း ဆရာကြီးလေသံနဲ့ သိပ်မလိုတော့ပါဘူး၊ရောက်တော့မှာပါ လို့နှစ်သိမ့်ခဲ့ကြပါတယ်။ကိုယ်တွေကရောက်ဖူးခဲ့ပြီဆိုတော့ခုမှတက်လာတဲ့သူတွေနဲ့တွေ့တော့ဆရာကြီးပေါ့ဗျာ။
လမ်းမှာတွေ့ခဲ့တဲ့တစ်ချို့ဆို ဖိနပ်သည်းကြိုးပေါက်လို့ ဖိနပ်ကြီးကိုင်ပြီး ချွေးတလုံးလုံးနဲ့လျှောက်နေကြပါတယ်။သူတို့ကနေ့ခင်းဖက်တက်လာတာဆိုတော့ကျွန်တော်တို့ထက်ပိုပြီးပင်ပန်းတာပေါ့ဗျာ။
အဆင်းကတော့ဘာမှထွေထွေထူးထူးမရှိလှပါဘူး။ပေါ့ပေါ့ပါးပါးပဲပြန်ဆင်းခဲ့ကြပါတယ်။ဆင်းရင်းဆင်းရင်းနဲ့အသံချဲ့စက်သံကြားလို့ကြည့်မိတော့ညတုန်းက သူ့ရဲ့နတ်နန်းကို မဝင်လို့ဆိုပြီး မဝင်ရင်ကျားကိုက်သေတတ်တယ်လို့ ခြောက်လှန့်လိုက်တဲ့ နတ်ကတော်ရဲ့နတ်နန်းကို တောင်ရောက်လာပါပြီ။ကျွန်တော်တို့ကျားမကိုက်တဲ့အပြင်ချောချောမောမောပဲဘုရာဖူးပြီးလို့တောင်ပြန်ဆင်းလာကြပါပြီ။

ကျိုက်ထီးရိုးတောင်ခြေလျင်ခရီးကအတက်မှာပင်ပင်ပန်းပန်းနဲ့7နာရီလောက်တက်ခဲ့ရပေမယ့်အဆင်းခရီးမှာတော့3နာရီသာသာလောက်နဲ့ကင်ပွန်းစခန်းကိုပြန်လည်ရောက်ရှိလာပါတယ်။
အတက်နှင့်အဆင်းကကြာချိန်ထက်ဝက်လောက်ကွာပါတယ်။
ကင်ပွန်းစခန်းကနေရန်ကုန်ပြန်ထွက်မယ့်လိုင်းကားကလည်းအဆင်သင့်တွေ့တာနဲ့လက်မှတ်ဖြတ်ပြီးထမင်းဆိုင်မှာထမင်းစားရင်းစောင့်ကြပါတယ်။သိပ်မကြာပါဘူး။ကျွန်တော်တို့ထမင်းစားပြီးတာနဲ့ကားလည်းထွက်ပါတယ်။ကားပေါ်မှာတော့သုံးယောက်လုံးအိပ်ပြီးလိုက်လာကြပါတယ်။ရန်ကုန်ကို ညနေဘက်မှောင်ရီပျိုးချိန်လောက်မှာပြန်လည်ရောက်ရှိခဲ့ပါတယ်။ကျိုက်ထီးရိုးဘုရားဖူးခရီးစဉ်ဟာကျွန်တော့်အတွက်တော့အမြဲတမ်းအမှတ်ရစရာခရီးစဉ်တစ်ခုဖြစ်ပါတော့တယ်။

Credit-google image

အားလုံးကျန်းမာချမ်းသာကြပါစေ
Author - Ye Thiha Kyaw
@yethihakyaw
fb.com/yethihakyawtwingyi
MSC - 093