This woman na Christian missionary wey dey work for one USA hotel like that. But when she start work, she tell dem say she no go dey work on Sundays and dem accept.
But something con touch the manager head one day, him con begin dey force the woman to work on Sunday.
Even when the woman pastor write letter give the manager, dey explain to him say him members no dey work on Sunday, the manager snob am.
So the woman begin to dey exchange shifts with her colleagues make she for no work on Sunday. Her colleagues no worry, but the manager con sack her for misconduct. Na that time the woman con vex file charges against the hotel.
To cut long story short, dem don tell the hotel to pay her fine of $21 million because of all the time wey she dey without work and the emotional pains wey dem make her pass through.
But dem still say her money there na only $300,000 dem go pay her.
She don happy well well be dat o!