"Bagahe"
Photo source : Pixabay
Aalis upang maglakbay bukas
Kung saan man tatahakin ang landas
Landas na puno ng along humahampas
Sa pag-alis dala-dala ang aking bagahe
Kasa-kasama ko sa aking biyahe
Papunta sa tinatahak na pangarap
Kung saan matatamasa ang mga alapaap
Mga gamit ay nakasiksik sa aking "bagahe"
Kasya lang sa isang bag para tipid sa pamasahe
Kasabay ang mga pangarap na dala
Mga baong pagmamahal mula sa aking pamilya
Gabayan mo sana Panginoon sa aking biyahe
Malumanay sana at daan ay maging swabe
Pilit lalakbayin ang rurok ng tagumpay
Sa dulo ang liwanag sa akin ay naghihintay
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.
