Sot FIFA ka botuar në një njoftim rregullat e reja sa i përket merkatos dhe komisioneve të agjentëve. Duke nisur nga viti 2020, FIFA do të fusë në zhvillim këto rregulla me qëllim mbrojtjen dhe përmirësimin e sistemit futbollistik.
▪️Le ta nisim me rregullin e parë: limitime për klubet e mëdha sa u përket huazimeve të lojtarëve 22 vjeç e më tej. Nga 2020-21 do të jetë e mundur të kryhen vetëm tetë trasferime - në hyrje dhe në dalje - nga 2022-23 numri do të ulet në gjashtë. Rregull që FIFA e ka vendosur për të ndaluar që huazimet të kryhen për qëllime komerçale, pasi ato duhet të jenë me qëllim zhvillimin e të rinjve.
▪️Rregulli i dytë u përket agjentëve të cilët do të kenë më pak benefite se aktualisht. Kjo do të prekë vetëm një nga palët e përfshira në një tratativë: lojtar, klubi blerës ose klubi shitës.
▪️Sa u përket komisioneve të agjentëve, këta të fundit do të kenë të drejtë të marrin 10% të shumës së marrë nga klubi që shet një lojtar, 3% të pagës së lojtarit që përfaqësojnë dhe 3% të shumës nga klubi që pëfaqëson që mbyll blerjen.
Këto të reja do të diskutohen në mbledhjen e ardhshme të Këshillit të FIFA-s, e programuar në 24 dhjetor ku synohet për aprovimin e rregullave që nga viti i ardhshëm. Merkatoja me sa duket po fillon të ndryshojë lëkurë.