Cara kalon 1 Ramadhan

Assalamualaikum?
Saleum keu bandum asoe nanggroe yang na baca post long nyoe.

Keumbali ta sambong lom ta bahas masalah puasa. Beungoh nyoe ta bahas teuntang cara ta tung puasa ramadhan.

Wajeb puasa ramadhan dengon beberapa sebab;

1. Dengon ta peu geunap 30 uroe buleun syakban
2. Di kalon aneik buleun 1 ramadhan le sidroe 'adil walau adel "mastur" kemudian di ek saksi bak qadhi
3. Haba ureung rame (khabar mutawatir) bahwa aneuk buleun 1 ramadhan ka deuh
4. Na tanda tanda yang jeulas bahwa ramadhan ka I tamong

Etnan ile 4 boh sebab ka wajeb ta mulai puasa ramadhan. Maka jak ta tuntut ilme tentang puasa beu mantap, supaya sah ibadah tanyoe.